ჩემპიონთა ლიგის 1/4 ფინალური ეტაპის პირველ მატჩში, მადრიდის რეალი საკუთარ კედლებში ბაიერნთან 1-2 დამარცხდა. მატჩის შემდეგ, სამეფო კლუბის მთავარმა მწვრთნელმა, ალვალო არბელოამ კომენტარი გააკეთა.
"შესვენებაზე ვთქვით, რომ დაცვაში მჭიდროდ გვეთამაშა, თუმცა, გოლი მაინც მალე გავუშვით. მეორე ნახევარში ბურთის ფლობა და თამაში გამოვასწორეთ. ვიცოდით, რომ ძალიან სახიფათო გუნდს ვხვდებოდით და გატანილი გოლი განმეორებით მატჩში იმედს გვიტოვებს"
"მადლობა ჩემს ფეხბურთელებს, რომ ბოლომდე იბრძოლეს. გერმანიაში მოსაგებად მივდივართ. დაშვებულ შეცდომებზე ადრეც ვისაუბრეთ — ასეთ მეტოქესთან ბურთის სახიფათო ზონაში დაკარგვა დაუშვებელია. დღევანდელი მატჩით ბაიერნზე ბევრი რამ ვისწავლეთ" — ალვარო არბელოა.
გუნდების განმეორებითი დაპირისპირება 1 კვირაში, 15 აპრილს მიუნხენში გაიმართება და 1/2 ფინალისტის ვინაობა გაირკვევა.
