საქართველოს ნაკრებმა ბულგარეთის ეროვნული გუნდი 3:0 დაამარცხა. მატჩის დასრულების შემდეგ, კომენტარი გააკეთა ნიკა გაგნიძემ, რომელმაც მეტოქეს მეორე ბურთი გაუტანა. შეგახსენებთ იმასაც, რომ ეს იყო ქართველი შუახაზელის სადებიუტო გოლები "ჯვაროსნების" რიგებში.
"კარგი შეხვედრა გამოვიდა, იქიდან გამომდინარე, რომ სამი ქულა მოვიპოვეთ, მაგრამ რაც ყველაზე მთავარი იყო თურქეთთან მარცხის შემდეგ ხასიათი გამოვისწორეთ, მოვიგეთ ეს თამაში. მიხარია ჩემი გოლიც, მაგრამ უმთავრესი იყო 3 ქულა და მადლობა ღმერთს რომ ეს შევძელით.
ვნახე კალათბურთის ნაკრების შედეგიც, სასწაული გააკეთეს ბიჭებმა და ვულოცავ მთელ საქართველოს ამ გამარჯვებას", - განაცხადა ჩვენი ეროვნული გუნდის შუახაზელმა.
