მანჩესტერ იუნაიტედის ვეტერანმა ფეხბურთელებმა, პოლ სქოულზმა და ნიკი ბატმა გაიხსენეს ალექს ფერგიუსონის მიერ დაწესებული უცნაური აკრძალვა. შეზღუდვა ეხებოდა მაისურების გაცვლას, დიახ, შოტლანდიელი დამრიგებელი თამაშის შემდგომ დამკვიდრებულ ამ ტრადიციას კრძალავდა.
"წითელი ეშმაკების" იმდროინდელი მწვრთნელის მიერ დაწესებული შეზღუდვის მიუხედავად, ინგლისელ ყოფილ ნახევარმცველებს რამდენიმე სხვისი მაისური მაინც აქვთ. მაგალითად, სქოულზმა მაისური თხოვა ტიერი ანრის, ბატს კი მაისურის გაცვლის ბედნიერება ზინედინ ზიდანთან ჰქონდა.
"მაისურის გაცვლა ვითხოვე მხოლოდ ერთხელ - ანრისთან. ჩემს უფროს შვილს, აარონს ძალიან უნდოდა მისი ფორმა და ეს სწორედ მისთვის გავაკეთე. ასევე მაქვს ინიესტას მაისურიც, მაგრამ გაცვლა თავად მან ითხოვა. ფერგიუსონი კრძალავდა მაისურების გაცვლას, ყოველ მიცემულ მაისურზე ის ფულს გვახდევინებდა."
"მაისურის გაცვლა არც მე მითხოვია. უცნაური დრო იყო, მგონი, იუვენტუსთან უფრო ხშირად გვიწევდა თამაში, ვიდრე არსენალთან. ერთ-ერთი ასეთი შეხვედრის დასრულების შემდეგ, მაისურის გაცვლა თვით ზიდანმა მთხოვა. თვალებს ვერ ვუჯერებდი, რა თქმა უნდა, დავთანხმდი."
