მამარდაშვილი მარტის თვის საუკეთესო U23 ფეხბურთელის წოდებისთვის იბრძვის

ვალენსიას ქართველი მეკარე, გიორგი მამარდაშვილი, ლა ლიგის 2023/24 წლების სეზონის მარტის თვის საუკეთესო U23 ფეხბურთელის წოდებისათვის იბრძვის.

მამარდაშვილს "ღამურების" რიგებში შესანიშნავი სეზონი აქვს, მას ლა ლიგაზე ზედიზედ სასტარტოდან დაწყებული ყველაზე მეტი მატჩი (66) მოუგროვდა, ასევე, საკუთარი რეკორდი გააუმჯობესა, რაც საშინაო ჩემპიონატში ყველაზე მეტჯერ (9) მშრალად შენახულ კარს გულისხმობს.

გიორგის ზემოხსენებული ჯილდოსათვის ბრძოლაში საკმაოდ ძლიერი მეტოქეები ჰყავს, ესენი არიან: პაუ კუბარსი (ბარსელონა), ბენატ პრადოსი (ატლეტიკი), ალექს ბაენა (ვილიარეალი), ედუარდო კამავინგა (რეალი).

გამარჯვებისათვის მამარდაშვილს ხმების ყველაზე დიდი რაოდენობა სჭირდება. ხმის მისაცემად დააჭირეთ აქ. შემდეგ გაიარეთ რეგისტრაცია და დააფიქსირეთ თქვენი ხმა.

მიმდინარე სეზონში 23 წლის მეკარემ ვალენსიას მაისური 28-ჯერ მოირგო.