"მამარდაშვილი მაღალი დონის მეკარეა, თუმცა მას აქვს ერთი ნაკლი - ფეხით ვერ თამაშობს. აღნიშნული კომპონენტი არ არის მისი ძლიერი მხარე და ამის გამო, დავრჩი გაკვირვებული, რომ ლივერპულმა გიორგი გაიფორმა. მან ევრო 2024-ზე ითამაშა შესანიშნავად, მაგრამ რამდენად არის ის გოლკიპერი, რომელიც მერსისაიდელებს სჭირდებათ.
"წითლებს" ჰყავთ ალისონი და კელეჰერი, რომლებიც ფეხით ქართველ მეკარეზე გაცილებით უკეთ თამაშობენ", - განაცხადა ყოფილმა ავსტრალიელმა კარის დარაჯმა. შეგახსენებთ, რომ "სქაუზერთა" გოლკიპერი იჯარით დარჩა ვალენსიაში, სადაც მიმდინარე სეზონის ბოლომდე ითამაშებს. 2025 წლის ზაფხულიდან კი 24 წლის მეკარე ენფილდზე გადავა.
