ესპანურ პრესაში საკმაოდ აქტუალური თემაა ვალენსიას მეკარის, გიორგი მამარდაშვილის სატრანსფერო ღირებულება. მისი გამოსასყიდი თანხა შეადგენს 100 მილიონს, მაგრამ როგორც ცნობილია, "ღამურები" მზად არიან 30-40 მილიონიანი წინადადებების განხილვისთვისაც. ქართველი კარის დარაჯის შესახებ ისაუბრა "ლოს ჩეს" ყოფილმა სპორტულმა დირექტორმა, ფერნანდო გომეს კოლომერმა.
ქართველი მეკარის გადმობირებას გრანდები თუ არა, ძლიერი ეკონომიკური შესაძლებლობების მქონე გუნდები ნამდვილად მოინდომებენ. ტოტენჰემი ან თუნდაც ნიუკასლი, საკმაოდ რეალური ვარიანტებია. ამ კლუბებს ტრანსფერში 30-40 მილიონის გადახდა შეუძლიათ. ზოგადად კი, მე "ღამურების" კარის დარაჯის შენარჩუნებას ვისურვებდი.
აჯობებს, თუ "ლოს ჩე" რომელიმე სხვა ფეხბურთელს გაყიდის და არა 23 წლის მეკარეს, რომელსაც გუნდისთვის ქულები მოაქვს", - განაცხადა ესპანელმა ფუნქციონერმა.
შეგახსენებთ, რომ დისკვალიფიკაციის შემდეგ, "მურსელაგოსის" 25-ე ნომერი შემადგენლობაში დაბრუნდა და რაიო ვალეკანოსთან მატჩში კარი მშრალად კიდევ ერთხელ შეინახა.
