Anfield Watch-მა ლივერპულის მეკარეებზე ისაუბრა. გამოცემა აღნიშნავს, რომ მიმდინარე სეზონის დასრულების შემდეგ, ალისონ ბეკერის წასვლის შემთხვევაში მერსისაიდელებმა შესაძლოა ახალი გოლკიპერი გაიფორმონ. ერთ-ერთ ვარიანტად განიხილება ლანსის კარის დარაჯი, რობინ რისერი.
"მიმდინარე სეზონის დასრულების შემდეგ, ლივერპულს რამდენიმე ფეხბურთელი დატოვებს. წამსვლელებს შორის შესაძლოა ალისონიც აღმოჩნდეს. ამ ყველაფერში საგანგაშო არაფერია, რადგან მერსისაიდელებს ჰყავთ მამარდაშვილი, მაგრამ მხოლოდ 1 მაღალი დონის გოლკიპერი საკმარისი იქნება?
"წითლებისთვის" აჯობებს ორი თანაბარი დონის მეკარის იმედად ყოფნა, ისე რომ ისინი ერთმანეთთან კონკურენციაში იყვნენ. სავარაუდო ვარიანტად განიხილება რისერი, რომლის სახელი ენფილდის ბინადრებს უკვე დაუკავშირეს. ის არის ამომავალი ვარსკვლავი, რომელსაც ლანსის წარმატებაში დიდი წვლილი მიუძღვის."
ფრანგმა მეკარემ მიმდინარე სეზონში "წითელ-ოქროსფრების" შემადგენლობაში ჩაატარა 23 მატჩი და ცხრა შემთხვევაში მან კარის მშრალად შენახვა შეძლო. გამოსარჩევია ისიც, რომ რობინის სეივების პროცენტული მაჩვენებელი 77-ს უდრის.
