ინგლისის პრემიერ ლიგის 23-ე ტურში, მანჩესტერ სიტიმ საკუთარ მოედანზე ვულვზი მიიღო და მეტოქეს ორი უპასუხო გოლი გაუტანა.
შეხვედრის ანგარიში მასპინძლებმა დებიუტშივე გახსნეს — მე-6 წუთზე თავი ომარ მარმუშმა გამოიჩინა. პირველი ტაიმის კომპენსირებულ მეორე წუთზე კი გოლი ანტუან სემენიომ გაიტანა და საბოლოო ანგარიში, 2-0 დააფიქსირა.
მანჩესტერ სიტი 2-0 ვულვზი
გოლები: 1-0 მარმუში (6'), 2-0 სემენიო (45+2')
აღნიშნული გამარჯვების შემდეგ, მანჩესტერ სიტის 46 ქულა აქვს და ლიდერს, არსენალს 4 ქულით ჩამორჩება, თუმცა, მეთოფეებს 1 მატჩით ნაკლები აქვთ ჩატარებული. მომდევნო ტურში გვარდიოლას გუნდი ტოტენჰემს ლონდონში ესტუმრება.
