სერია ა-ს მე-14 ტურში მილანის ინტერმა საკუთარ კედლებში მიიღო კომო, რომელიც ანგარიშით 4:0 გაანადგურა. მასპინძლების მხრიდან გოლები გაიტანეს ლაუტარო მარტინესმა, მარკუს ტურამმა, ჰაკან ჩალჰანოღლუმ და კარლოს აუგუსტომ. ცნობისთვის, ეს იყო "ტბისპირელთა" პირველი წაგება 28 აგვისტოს შემდეგ.
რაც შეეხება "ნერაძურის", 30 ქულით დღევანდელი მატჩის გამარჯვებული პირველ ადგილზე გადადის. გუნდები, რომლებსაც შეუძლიათ კრისტიან კივუს შეგირდების გადასწრება, მილანი და ნაპოლი თავიანთ შეხვედრებს 7 და 8 დეკემბერს ჩაატარებენ.
ინტერი 4:0 კომო
გოლები: 1:0 ლაუტარო მარტინესი 11', 2:0 მარკუს ტურამი 59', 3:0 ჰაკან ჩალჰანოღლუ 80', 4:0 კარლოს აუგუსტო 86'.
