19 აპრილს გაიმართება პრემიერ ლიგის ტურის ცენტრალური შეხვედრა მანჩესტერ სიტისა და არსენალს შორის. მოგეხსენებათ, ამ სეზონში ეს გუნდები ერთმანეთს პრემიერ ლიგის ტიტულისთვის ებრძვიან, არსენალი ლიდერია და სიტის 6 ქულით ასწრებს, თუმცა ქალაქელებს ერთი მატჩით ნაკლები აქვთ ჩატარებული.
უმნიშვნელოვანესი მატჩის წინ კომენტარი მანჩესტერ სიტის მთავარმა მწვრთნელმა პეპ გვარდიოლამ გააკეთა.
"მარცხი დასასრულს ნიშნავს. ვიცით, რომ წინ კიდევ ბევრი მატჩია, თუმცა საშინელი კალენდარი გვაქვს და არსენალთან მოგება ძალიან გვჭირდება.
თუ ისე ვითამაშებთ, როგორც ეს არსენალთან წინა მატცში გავაკეთეთ, გავიმარჯვებთ. შეიძლება ასე არ იყოს, რადგან ფეხბურთელი არაპროგნოზირებადი სპორტია, თუმცა შანსი მეტი გვექნება.
ყველანაირად მზად ვართ. 6 ქულა ცოტა სხვაობა არაა, მაგრამ ამ სხვაობის აღმოფხვრა შეგვიძლია და ამისთვის ჯერ არსენალი უნდა დავამარცხოთ", - განაცხადა გვარდიოლამ.
