ლა ლიგის მე-15 ტურის კიდევ ერთი მატჩი სანტიაგო ბერნაბეუზე გაიმართა, სადაც რეალ მადრიდმა სელტა ვიგოს უმასპინძლა. იმის მიუხედავად, რომ ჩაბი ალონსოს გუნდი ამ შეხვედრას ფავორიტის სტატუსით შეხვდა, სამეფო კლუბმა მეტოქეს საინტერესო ვერაფერი დაუპირისპირა და მძიმე მარცხი იწვნია.
სტუმრებმა რეალ მადრიდს ორი უპასუხო გოლი გაუტანეს, რითაც უმნიშვნელოვანესი 3 ქულა მოიპოვეს და ცხრილში მე-10 ადგილზე გადასვლა მოახერხეს. რაც შეეხება მადრიდელებს, ჩაბი ალონსოს გუნდი 36 ქულით, მე-2 პოზიციაზე დარჩა, ლიდერ ბარსელონასთან ჩამორჩენა კი უკვე 4 ქულამდე გაიზარდა.
რეალ მადრიდი 0-2 სელტა ვიგო
გოლები: 0-1 ვილიოტ სვედბერგი 53', 0-2 ვილიოტ სვედბერგი 90+3'.
მატჩის მიმოხილვა
