ჩემპიონთა ლიგის მე-3 ტურში, პსვ-სთან განცდილი მძიმე მარცხის შემდეგ, ნაპოლის შემტევმა ნოა ლანგმა მედიასთან საკმაოდ საინტერესო კომენტარი გააკეთა:
"ყველა ფეხბურთელს სურს თამაში და ასე ვარ მეც. სხვა არ ვიცი რა ვთქვა... ალბათ სჯობს საერთოდ არაფერი ვთქვა.
ნაპოლისთან კონტრაქტი 2030 წლამდე გავაფორმე და იმ სიტუაციას, რომელშიც აღმოვჩნდი, სამწუხაროდ უკვე შევეგუე, სხვა გზა არ მაქვს.
ანტონიო კონტე? მას მხოლოდ ერთხელ ვესაუბრე, ჩვენს შორის კომუნიკაცია არ არსებობს."
შეგახსნებეთ, ნოა ლანგოი ნაპოლის სწორედ პსვ-დან შეუერთდა. "პარტენოპეიმ" ნიდერლანდელი ვინგერის სანაცვლოდ დაახლოებით €30 მილიონი გადაიხადა, თუმცა ანტონიო კონტე ფეხბურთელს თამაშის საშუალებას თითქმის არ აძლევს, რაც 26 წლის ვინგერისთვის დიდ პრობლემას წარმოადგენს. იმის მიუხედავად, რომ ნოა ლანგის ტრანსფერი თავად იტალიელმა სპეციალისტმა მოითხოვა, ფაქტია ამ გარიგების შემდეგ რაღაც რიგზე ვერ არის და მხარეებს შორის მინი კონფლიქტიც კი ჩამოყალიბდა.
