პსჟ-სთვის სეზონი დასრულებულია. მიმდინარე წელი კლუბის ისტორიაში ყველაზე ხანგრძლივი და ამავე დროს წარმატებული გამოდგა. მიუხედავად იმისა, რომ პსჟ-მ მსოფლიო საკლუბო ჩემპიონატის ფინალში წააგო, ამ სეზონში გუნდმა ლიგა 1, საფრანგეთის თასი და ჩემპიონთა ლიგა მოიგო.
აღსანიშნავია ისიც, რომ პსჟ-მ ამ სეზონში ყველაზე მეტი, 65 შეხვედრა ჩაატარა. ახლა კი ფეხბურთელებს დასვენების საშუალება მიეცემათ.
თუ ყველა ფრანგულმა კლუბმა უკვე შეკრება დაიწყო და ამხანაგური მატჩებიც გამართა, პსჟ 3 კვირით დაისვენებს და ახალი სეზონისთვის მზადებას 4 აგვისტოს განაახლებს.
დრო იმდენად შეზრუდულია, რომ შესაძლოა პსჟ-მ სეზონის წინა ამხანაგური მატჩების ჩატარებაც ვერ მოასწროს და სეზონი პირდაპირ დაიწყოს.
პსჟ-ს გეგმა ასე გამოიყურება
- დასვენება 14 ივლისიდან 4 აგვისტომდე
- 4 აგვისტო - სამედიცინო შემოწმება
- 5 აგვისტო - პირველი ვარჯიში
- 13 აგვისტო - სუპერთასი ტოტენჰემის წინააღმდეგ
- 17 აგვისტო - ლიგა 1-ის პირველი ტურის მატჩი ნანტის წინააღმდეგ
