მსოფლიო საკლუბო ჩემპიონატის 1/2 ფინალში, მადრიდის რეალი ჩემპიონთა ლიგის გამარჯვებულს, პარი სენ ჟერმენს შეხვდა და უშანსოდ, 0-4 დამარცხდა.
აღნიშნული მატჩის დასრულების შემდეგ, სამეფო კლუბის მთავარმა მწვრთნელმა, ჩაბი ალონსომ კომენტარი გააკეთა და აღნიშნა, რომ საწყისმა წუთებმა შედეგზე უდიდესი გავლენა მოახდინა.
"მატჩის დასაწყისმა ჩვენზე დიდი გავლენა მოახდინა. გვინდოდა, თამაში კონტროლით დაგვეწყო, რადგან ვიცოდით, რომ ძალიან ძლიერ მეტოქეს ვეთამაშებოდით. მე-10 წუთისთვის სიტუაცია უკვე ძალიან გართულდა ჩვენთვის და ეს იმის ნიშანია, რომ ჯერ კიდევ ბევრი სამუშაო გვაქვს. ორი სწრაფი გოლის გაშვება გაცილებით მეტს მოითხოვს შენგან — იცი, რომ ბალანსი არ უნდა დაკარგო, რადგან მათ ძალიან მაღალი დონე აქვთ. დღევანდელი მარცხიდან ბევრი რამ გვაქვს გასაანალიზებელი და სასწავლი"
2025 წლისმსოფლიო საკლუბო ჩემპიონატის ფინალური მატჩი, სადაც ერთმანეთს პსჟ და ჩელსი დაუპირისპირდებიან კვირას, 13 ივლისს, თბილისის დროით 23 საათზე დაიწყება.
