მატჩის დღე - არსენალის საჩემპიონო სვლის შეჩერებას ასტონ ვილა ეცდება

შაბათის მატჩის დღეს გველის არაერთი საინტერესო დაპირისპირება, მათ შორის ცენტრალური იქნება ლონდონის არსენალის სტუმრობა ბირმინგემში, ასტონ ვილასთან. განვიხილოთ, შეძლებენ, თუ არა მასპინძლები "მეთოფეების" შეჩერებას.

ასტონ ვილა V არსენალი

პრემიერ ლიგაში გამართული 14 ტურის შემდეგ, პირველ ადგილზე 33 ქულით არსენალი არის. იქვე ახლოს, მესამე ადგილზეა ასტონ ვილა, რომელიც ლონდონელებს 6 ქულით ჩამორჩება. ინგლისის ჩემპიონატის ლიდერის ფორმა შთამბეჭდავია: მხოლოდ 7 გაშვებული ბურთი და წაუგებელი სერია, რომელიც 31 აგვისტოდან დაიწყო.

უკანასკნელი გუნდი, რომელმაც დაამარცხა "მეთოფეები", ლივერპული არის. იგივე ითქმის ბირმინგემულ გუნდზეც, რომელმაც წააგო ასევე მერსისაიდელებთან, მაგრამ უფრო ახლო წარსულში, 2 ნოემბერს. იმის შემდეგ, "ლომების" ანგარიშზეა ზედიზედ 6-თამაშიანი მოგებათა სერია, ყველა ტურნირზე ერთად.

ეს იქნება აღნიშნული გუნდების რიგით 202-ე მატჩი - 86-ჯერ იმარჯვეს ემირეიტსის ბინადრებმა, 70-ჯერ - ასტონ ვილას ფეხბურთელებმა, 45 შეხვედრა ფრედ დასრულდა. ცნობისთვის, გასულ სეზონში მიკელ არტეტას გუნდმა ვერ შეძლო ბირმინგემელებთან მოგება (0:2, 2:2). ვნახოთ, რა იქნება წელს.

ყურადღების ცენტრში იქნება "ლომების" მთავარი მწვრთნელი, უნაი ემერი, რომელიც წარსულში სწორედ არსენალში მუშაობდა. არსენ ვენგერის წასვლის შემდეგ, ლონდონში სამუშაოდ სწორედ ესპანელი თავკაცი მივიდა. მცდელობა გამოდგა წარუმატებელი და ის არტეტამ შეცვალა.

შაბათის მატჩის დღე