ლა ლიგის 31-ე ტური ბარსელონასა და ესპანიოლის დაპირისპირებით გაგრძელდება. განვიხილოთ, თუ რას უნდა ველოდოთ ამ მატჩისგან.
ბარსელონა V ესპანიოლი | 20:30
ჩემპიონთა ლიგაზე მადრიდის ატლეტიკოსთან განცდილი მარცხის შემდეგ, ბარსელონა ხასიათის გამოსწორებას ესპანიოლის დამარცხებით ეცდება. ეს არ იქნება რთული, იმის გათვალისწინებით, რომ "ბლაუგრანა" "თუთიყუშებთან" თითქმის არასდროს აგებს. თავად განსაჯეთ: 15 მოგება და 4 ფრე უკანასკნელ 19 შეხვედრაში.
"ლურჯ-ბროწეულისფრების" ბოლო მარცხი "ბლანკიბლაუსთან" თარიღდება 2018 წლის იანვრით, ისიც კოპა დელ რეიზე. რაც შეეხება ლა ლიგას: 2009 წლის თებერვალი. დიახ, უკანასკნელად, როცა კამპ ნოუს მკვიდრებმა კორნელა-ელ პრატის ბინადრებთან წააგეს პრიმერა დივიზიონში, ლამინ იამალი 2 წლისაც არ იყო.
ისედაც საოცარი სტატისტიკის კიდევ უფრო გაუმჯობესების გარდა, ჰანსი ფლიკის გუნდს ექნება სხვა მოტივაციაც - მადრიდის რეალთან სხვაობის 9 ქულამდე გაზრდა. "სამეფო კლუბმა" კვლავ დაკარგა ქულები, ამჯერად ბარსას მეზობელ ჟირონასთან და დღევანდელ შეხვედრაში მოგება პრიმერას ამჟამინდელ ლიდერს ტიტულთან კიდევ უფრო მიაახლოვებს.
შაბათის მატჩის დღე
| ნიურნბერგი - დრეზდენი | 15:00 | ბუნდესლიგა 2 |
| არსენალი - ბორნმუთი | 15:30 | პრემიერ ლიგა |
| ჰაიდენჰაიმი - უნიონი | 17:30 | ბუნდესლიგა |
| ოქსფორდი - უოტფორდი | 18:00 | ჩემპიონშიპი |
| მილანი - უდინეზე | 20:00 | სერია ა |
| ბარსელონა - ესპანიოლი | 20:30 | ლა ლიგა |
| ლივერპული - ფულჰემი | 20:30 | პრემიერ ლიგა |
| სტ პაული - ბაიერნი | 20:30 | ბუნდესლიგა |
| სტ ეტიენი - დიუნკერკი | 22:00 | ლიგა 2 |
| ატალანტა - იუვენტუსი | 22:45 | სერია ა |
| სევილია - ატლეტიკო | 23:00 | ლა ლიგა |
| ესტრელა - სპორტინგი | 23:30 | პრიმეირა ლიგა |
| ჩიკაგო - ატლანტა | 04:30 | MLS |
