დღეს, 25 აგვისტოს, პრემიერ ლიგის მეორე ტური ლივერპულის ნიუკასლ იუნაიტედთან სტუმრობით დაიხურება. აღნიშნული დაპირისპირება გამორჩეული რამდენიმე მიზეზის გამო იქნება. განვიხილოთ, თუ რას უნდა ველოდოთ მერსისაიდელებისა და "ჯორდების" შეხვედრისგან.
ორივე გუნდის ამბიცია
ყველა ერთხმად აღიარებს იმ ფაქტის, რომ ლივერპული პრემიერ ლიგაში ტრიუმფის მთავარი ფავორიტია. ამაზე მეტყველებს გუნდის ფორმა, ტრანსფერები და დამრიგებლის ფაქტორი, რომელმაც იდეალურად გადმოიბარა იურგენ კლოპის მემკვიდრეობა და მასზე თავისი ფუნდამენტიც დააშენა.
ნიუკასლ იუნაიტედი არ ტრიალებს პრემიერ ლიგის ფავორიტებს შორის, თუმცა ოთხეულში შესვლა ამ გუნდისთვის აუცილებელი მოთხოვნა იქნება. ცხადია, ეს არ იქნება მარტივი, იმის გათვალისწინებით, თუ რომელი მოთამაშის დაკარგვის საშიშროების წინაშე დგანან "ჯორდები". დიახ, საუბარი ალექსანდერ ისაკის შესახებ არის.
ორ ცეცხლს შორის მყოფი ვარსკვლავი
ნიუკასლ იუნაიტედის ბოლო წლების აღსმასვლა პირველ რიგში უკავშირდება ისაკს, რომელიც გუნდის მთავარ ვარსკვლავად გვევლინება. ეს ყველაფერი უდიდესი ალბათობით დარჩება წარსულში, რადგან შვედ ფორვარდს აღარ სურს "ჯორდებში" თამაში და მხოლოდ ლივერპულში გადასვლას განიხილავს.
მერსისაიდელებმა უკვე გაგზავნეს რამდენიმე შეთავაზება, თუმცა "კაჭკაჭები" ალექსანდერის გაყიდვას არ განიხილავენ. ვარსკვლავური ფორვარდი უარს ამბობს სენტ ჯეიმს პარკის ბინადრებთან ვარჯიშზეც კი, მას აკრიტიკებენ თანაგუნდელები და ქომაგები, მაგრამ კლუბი თავისი ლიდერის დათმობას მაინც არ აპირებს.
ვნახოთ, რომელი მხარე გამოვა გამარჯვებული - "წითლები" თუ ედი ჰაუს გუნდი. სამწუხარო არის ის, რომ დღევანდელი მატჩი მასპინძლების საუკეთესო მოთამაშის გარეშე ჩაივლის. ასეთი ბექგრაუნდი აქვს ენფილდის ბინადრების სტუმრობას ნიუკასლში. ვნახოთ, რა იქნება მე-2 წრეში, აღმოჩნდება თუ არა 25 წლის ფორვარდი "ჯორდების" წინაშე უკვე მეტოქის რანგში.
