მატჩის დღე: ევროპა ლიგა ბრუნდება!

აღნიშნული დაპირისპირება შეგვიძლია ცენტრალურ შეხვედრად მივიჩნიოთ. მანჩესტერის მწვრთნელს, ერიკ ტენ ჰაგს ტვენტესთან ბევრი რამ აკავშირებს. ნიდერლანდელი თავკაცი სწორედ ენსჰედელთა აღზრდილია და ამის გარდა, 1989-1990, 1992-1994, 1996-2002 წლებში ის თავის მშობლიურ კლუბში თამაშობდა.

საფეხბურთო კარიერის დასრულების შემდეგ, იუნაიტედის ამჟამინდელი მწვრთნელი 2002-2008 წლებში "წითლების" ახალგაზრდულ სექტორში მუშაობდა, 2006-2009 წლებში კი - ასისტენტადაც. ვნახოთ, რა მოუმზადა 54 წლის თავკაცმა "ცხენებს". რაც შეეხება ამჟამინდელ სეზონს, "ეშმაკები" პრემიერ ლიგაში მე-11 პოზიციაზე არიან, არკე სთეიდიუმის ბინადრები კი ერედივიზიაში მე-4 ადგილზე არიან.

თურქულ - ბერძნული დაპირისპირება ყოველთვის დიდ ვნებათაღელვასთან არის დაკავშირებული. გალათასარაის ამ ქვეყნის გუნდების წინააღმდეგ სხვადასხვა დროს 10 მატჩი აქვს ჩატარებული. 6 თამაში სტამბოლელთა მოგებით დასრულდა, 3 ბერძენთა მოგებით და მხოლოდ 1 ფრე. კონკრეტულად პაოკს "ლომები" არასდროს შეხვედრილან.

იყო დრო, როდესაც ეს გუნდები ერთმანეთს ჩემპიონთა ლიგაზე უპირისპირდებოდნენ, თუმცა დღეს, დინამოსა და ლაციოს დაპირისპირებამ ევროპა ლიგაზე გადაინაცვლა. 1999/00 წლების სეზონში რომაელებმა 2-ვე მატჩი მოიგეს. კიეველების მხარეს თამაშობდა კახა კალაძე, რომელიც მოგვიანებით მილანში გადავიდა.

"არწივებს" კი ნამდვილი ვარსკვლავური შემადგენლობა ჰყავდათ. თავად განსაჯეთ - რობერტო მანჩინი, სინიშა მიხაილოვიჩი, პაველ ნედვედი, ალესანდრო ნესტა და სხვები. მართალია, "ბიანკოჩელესტეს" შემადგენლობა აღარ არის ისეთი ვარსკვლავური, მაგრამ ეს მატჩი მაინც დიდ ინტერესს იწვევს. 

დღევანდელი თამაშების სრული განრიგი კი ასეთია:

20:45 - ბოდო გლიმტი-პორტო

20:45 - ალკმაარი-ელფსბორგი

23:00 - მანჩესტერ იუნაიტედი-ტვენტე

23:00 - ნიცა-სოსიედადი

23:00 - დინამო კიევი-ლაციო

23:00 - გალათასარაი-პაოკი

23:00 - მიდტიულანდი-ჰოფენჰაიმი

23:00 - ანდერლეხტი-ფერენცვაროში

23:00 - ლუდოგორეცი-სლავია

მილანის ლეგენდები თბილისში - ჩემპიონთა ლიგის ახალი ფორმატის დეტალური განხილვა.

იხილეთ ჩვენი პოდკასტის მორიგი ეპიზოდი