დატვირთული შაბათის მატჩის დღის შემდეგ, რამდენიმე საინტერესო დაპირისპირება კვირასაც გველის. პირველ რიგში გამოსარჩევია მანჩესტერული დერბი: სიტი იუნაიტედს მიიღებს. განვიხილოთ როგორც აღნიშნული შეხვედრა, ისე სხვებიც.
მანჩესტერული დერბი
პრემიერ ლიგის მეოთხე ტურისთვის ორივე მანჩესტერული გუნდი სატურნირო ცხრილის ათეულს მიღმაა - მან სიტი მე-16 ადგილზეა, მან იუნაიტედი კი მე-11. პეპ გუარდიოლას სამწვრთნელო კარიერაში მოხდა პირველად, როდესაც 3 ტურის შემდეგ, მის გუნდს მხოლოდ 3 ქულა აქვს.
აქამდე, ანტირეკორდი ეკუთვნოდა ესპანელი მწვრთნელის 2008/2009 წლების სეზონის ბარსელონას, რომელსაც სამი ტურის შემდეგ, ოთხი ქულა ჰქონდა. როგორც გვახსოვს, ის სეზონი კატალონიელებმა ტრებლის მოგებით დაასრულეს. ვნახოთ, სად აღმოჩნდებიან მაისის ბოლოსთვის "ქალაქელები".
არსებობს მოსაზრება, რომ "ლურჯების" მწვრთნელმა ინგლისურ გუნდში ამოწურა საკუთარი თავი და ახალი გამოწვევა სჭირდებათ ორივეს - როგორც ხოსეპს, ისე ეტიჰადის ბინადრებსაც. წლევანდელი სეზონი პასუხს გასცემს ბევრ კითხვას, მათ შორის იმას, აქვს თუ არა რეალურად მომავალი 54 წლის ტაქტიკოსის ხელში სიტის.
რაც შეეხებათ "წითელ ეშმაკებს", ეს აღარ არის ერიკ ტენ ჰაგის ქმნილება, რადგან კლუბის ხელმძღვანელობამ ყველაფერი გააკეთა იმისთვის, რომ რუბენ ამორიმს გუნდი მთლიანად თავის გემოზე გადაეწყო. დიახ, ჩვენს წინაშეა "მანკუნიანელთა" ახალი ვერსია, მაგრამ კლუბის ფანებისთვის, სამწუხაროდ, შედეგები იგივეა.
რაც შეეხება მანჩესტერული დერბის ისტორიულ ნაწილს, ეს იქნება რიგით 187-ე დაპირისპირება, წინა მატჩებში კი დაფიქსირდა შემდეგი შედეგი: 75-ჯერ მოიგეს ოლდ ტრაფორდის ბინადრებმა, 59-ჯერ - "ქალაქელებმა", 52 შეხვედრა ფრედ დასრულდა.
კვირის ყველა გამორჩეული მატჩი
| დრო | მატჩი | ტურნირი |
| 14:30 | რომა - ტორინო | სერია ა |
| 17:00 | ბარნლი - ლივერპული | პრემიერ ლიგა |
| 17:00 | პიზა - უდინეზე | სერია ა |
| 19:15 | პსჟ - ლანსი | ლიგა 1 |
| 19:15 | მეცი - ანჟე | ლიგა 1 |
| 19:30 | მან სიტი - მან იუნაიტედი | პრემიერ ლიგა |
| 22:45 | მილანი - ბოლონია | სერია ა |
| 23:00 | ბარსელონა - ვალენსია | ლა ლიგა |
