დღეს, 8 მაისს, ჩვენი დროით 23:00 საათზე გაიმართება ევროპა ლიგისა და კონფერენს ლიგის ნახევარფინალის განმეორებითი მატჩები. ცენტრალურ შეხვედრად მიჩნეულია მანჩესტერ იუნაიტედისა და ატლეტიკ ბილბაოს დაპირისპირება, რომელშიც ბევრის აზრით, უკვე ყველაფერია გადაწყვეტილი.
მანჩესტერ იუნაიტედი VS ატლეტიკ ბილბაო (3:0) | 23:00
როგორც აღვნიშნეთ, აღნიშნულ მატჩში ინტრიგა პრაქტიკულად აღარ არსებობს - მანჩესტერმა პირველ მატჩში სტუმრად ბილბაო 3:0 გაანადგურა. ატლეტიკს სჭირდება მოგება 4-ბურთიანი უპირატესობით იმისთვის, რომ ევროპა ლიგის ფინალში გავიდეს. გამოუვათ, თუ არა ეს ყველაფერი ბასკებს? ამას დღეს გავიგებთ.
რაც შეეხება მეორე ნახევარფინალურ წყვილს, ტოტენჰემმა დამაჯერებლად დაამარცხა ბოდო გლიმტი, ანგარიშით 3:1. როგორც ვხედავთ, საკმაოდ მაღალია იმის ალბათობა, რომ ევროპა ლიგის ფინალში ინგლისური დაპირისპირება ვიხილოთ. იუნაიტედი და ჰოტსპური: გუნდები, რომლებიც პრემიერ ლიგაში არიან მე-15 - მე-16 პოზიციებზე, გაისად შესაძლოა ჩემპიონთა ლიგაზე აღმოჩნდნენ.
ევროპა ლიგისა და კონფერენს ლიგის 1/2 ფინალის საპასუხო მატჩები
| დრო | წყვილი | პირველი მატჩი | ტურნირი |
| 23:00 | მანჩესტერი-ბილბაო | 3:0 | ევროპა ლიგა |
| 23:00 | ტოტენჰემი-ბოდო გლიმტი | 3:1 | ევროპა ლიგა |
| 23:00 | ჩელსი-დიურგარდენსი | 4:1 | კონფერენს ლიგა |
| 23:00 | ფიორენტინა-ბეტისი | 1:2 | კონფერენს ლიგა |
