კვირის მატჩის დღე - სერია ა-ს ამჟამინდელი ლიდერი, მილანის ინტერი 2025 წელს ბერგამოს ატალანტასთან გასვლითი მატჩით დაასრულებს. განვიხილოთ, თუ რას უნდა ველოდოთ ამ შეხვედრისგან.
ატალანტა V ინტერი
მართალია, ინტერი პირველ ადგილზეა, თუმცა ამ გუნდის მიმართ ბევრი პრეტენზია არის. პირველ რიგში იმიტომ, რომ ჩემპიონთა ლიგის გასული სეზონის ფინალისტმა წელს ყველა პრინციპულ მეტოქესთან წააგო. ამის მიუხედავად, 33 ქულა საკმარისი გამოდგა მე-17 ტურისთვის პირველ პოზიციაზე აღმოჩენისთვის.
რაც შეეხება ატალანტას, რაფაელე პალატინოთი ივან ჯურიჩის ჩანაცვლების შემდეგ, ამ გუნდმა წინსვლა დაიწყო. უკანასკნელი შვიდი შეხვედრიდან ბერგამასკებმა ექვსი მოიგეს და ამის გარდა, ჩემპიონთა ლიგის საუკეთესო მინიმუმ 24-ეულში ადგილიც გაინაღდეს.
ეს იქნება ამ გუნდების რიგით 144-ე მატჩი - იქამდე, 80-ჯერ იმარჯვა მილანურმა გუნდმა, 27-ჯერ - "ლა დეამ", 36 თამაში კი ფრედ დასრულდა. "ნერაძურის" ლეგენდარულმა ფლეიმეიქერმა, სანდრო მაცოლამ ატალანტას კარი სხვადასხვა დროს აიღო 12-ჯერ, რაც რეკორდული შედეგია.
კვირის მატჩის დღე
| მილანი - ვერონა | 15:30 | სერია ა |
| კრემონეზე - ნაპოლი | 18:00 | სერია ა |
| კრისტალ პალასი - ტოტენჰემი | 20:30 | პრემიერ ლიგა |
| ატალანტა - ინტერი | 23:45 | სერია ა |
| სპორტინგი - რიო ავე | 00:30 | პრიმეირა ლიგა |
