სერია ა-ს 34-ე ტურის ცენტრალურ მატჩში მილანი საკუთარ კედლებში ტურინის იუვენტუსს მიიღებს. განვიხილოთ, თუ რას უნდა ველოდოთ აღნიშნული შეხვედრისგან.
მილანი V იუვენტუსი | 22:45
სერია ა-ს 34-ე ტურისთვის ორივე გუნდი შორს არის საჩემპიონო ბრძოლისგან და მთავარი მიზანი, როგორც მილანისთვის, ისე იუვენტუსისთვისაც, ევროპის მთავარ საკლუბო ტურნირზე გასვლა იქნება. ამისთვის, 4-ეულში დარჩენაა საჭირო. "როსონერი" 66 ქულით მე-3 პოზიციაზეა, ტურინელები კი 63 ქულით ერთი საფეხურით დაბლა.
"ბიანკონერი" გამარჯვების შემთხვევაში ქულებით გაუთანაბრდება "დიავოლოს" და ჩამოაქვეითებს კიდეც მესამე ადგილიდან, რადგან კალჩოში ურთიერთშეხვედრების პრინციპი მოქმედებს. რაც შეეხება გუნდების ფორმას, სან სიროს მკვიდრებს ახასიათებთ არასტაბილურობა: 2 მოგება და 3 წაგება უკანასკნელ 5 თამაშში.
ლუჩანო სპალეტის გუნდში ამ მხრივ შეინიშნება პროგრესი - ბოლო მარცხი სერია ა-ში თარიღდება 21 თებერვლით, იმის შემდეგ კი ხუთი მოგება და ორი ფრე. გამოსარჩევია ისიც, რომ ორივე კლუბი დღევანდელ შეხვედრას ხვდება ოპტიმალურ ფორმაში: მასიმილიანო ალეგრის არ ჰყავს ტრავმირებული მოთამაშე, ალიანს სთეიდიუმის მკვიდრებს კი მხოლოდ არკადიუშ მილიკი და ვასილიე აჯიჩი არ ეყოლებათ.
ეს იქნება ამ გუნდების რიგით 230-ე მატჩი და იქამდე, 89-ჯერ იმარჯვა იუვენტუსმა, 66-ჯერ - მილანმა, 74 თამაში ფრედ დასრულდა. საინტერესოა, რომ 2021 წლის მაისის შემდეგ, ტურინელებისა და "როსონერის" შეხვედრებში იტალიის ჩემპიონატში 2 ბურთზე მეტი არ გასულა. მაყურებელმა ასეთი უკვე ზედიზედ 9 თამაში იხილა.
კვირის მატჩის დღე
| ნიურნბერგი - მაგდებურგი | 15:30 | ბუნდესლიგა 2 |
| ჩელსი - ლიდსი | 18:00 | ასოციაციის თასი |
| შტურმი - აუსტრია | 19:00 | ბუნდესლიგა ავსტრია |
| ლე ავრი - მეცი | 19:15 | ლიგა 1 |
| ტორინო - ინტერი | 20:00 | სერია ა |
| მილანი - იუვენტუსი | 22:45 | სერია ა |
| ვილიარეალი - სელტა | 23:00 | ლა ლიგა |
| სეუტა - რასინგი | 23:00 | ლა ლიგა 2 |
| ავს - სპორტინგი | 23:30 | ლიგა პორტუგალი |
