დღეს გაიმართება მსოფლიოს საკლუბო ჩემპიონატის 1/8 ფინალური მატჩი პსჟ-სა და ინტერ მაიამის შორის. ამ შეხვედრას ქართველი გულშემატკივრისთვის ორმაგი ინტრიგა იმიტომ აქვს, რომ პარიზელთა ვარსკვლავი ხვიჩა კვარაცხელია ფეხბურთის ლეგენდის, ლეო მესის წინააღმდეგ ითამაშებს.
როგორც მოსალოდნელი იყო, პსჟ-მ ჯგუფური ეტაპი პირველი ადგილით დაძლია. ატლეტიკოსთან პირველ ტურში დამაჯერებელი გამარჯვების შემდეგ, ლუის ენრიკეს გუნდი ბოტაფოგოსთან სენსაციურად დამარცხდა, თუმცა სიეტლ საუდერსთან მარტივი გამარჯვება მოიპოვა და 6 ქულა დააგროვა.
რაც შეეხება ინტერ მაიამის, ფლორიდელებმა პალმეირასთან და ალ აჰლისთან ფრე ითამაშეს, პორტუს კი მოუგეს და 5 ქულით მეორე ადგილი დაიკავეს.
მიმდინარე საკლუბო ჩემპიონატზე ლეო მესის ანგარიშზე ერთი გატანილი გოლია. კვარაცხელიას მონაგარი კი ერთი გოლი და 2 ასისტია. მან ყველა მატჩში მაღალი შეფასება მიიღო.
ამ მატჩს თან კიდევ რამდენიმე ინტრიგა ახლავს. მაგალითად ის, რომ ლეო მესი თავისი ყოფილი გუნდის წინააღმდეგ ითამაშებს. პსჟ-ს მცველი ნუნო მენდეში კი აცხადებს, რომ მესის შეჩერების გზა მანაც არ იცის.
ლუის ენრიკე ლეო მესის მოწინააღმდეგე იქნება. მოგეხსენებათ, მათი დამსახურებით, 2015 წელს ბარსელონამ სეზონი ტრიუმფით დაასრულა და ტრიპლეტი მოიგო.
პსჟ - ინტერ მაიამი
მსოფლიოს საკლუბო ჩემპიონატი
29 ივნისი, 20:00
მერსედეს-ბენც სთეიდიუმი (ატლანტა)
მთავარი მსაჯი: ვილტონ სამპაიო (ბრაზილია)
სავარაუდო შემადგენლობები
