შაბათის მატჩის დღე, რომლის ცენტრალური თამაში ლივერპულისა და ნიუკასლ იუნაიტედის დაპირისპირება იქნება. განვიხილოთ, თუ რას უნდა ველოდოთ აღნიშნული შეხვედრისგან.
ლივერპული V ნიუკასლი | 23:55
24-ე ტურის წინ, გუნდების ფორმა ასეთია - ლივერპული ბრწყინავს ჩემპიონთა ლიგაზე, თუმცა პრემიერ ლიგაში ამ გუნდს 2026 წელს ჯერ ერთი შეხვედრაც არ მოუგია. 4 ფრე და 1 წაგება, ასეთია მერსისაიდელთა მონაგარი. ჩავარდნის პერიოდში მოქმედ ჩემპიონებს გადაასწრეს მანჩესტერ იუნაიტედმა და ჩელსიმ, იქვე ახლოს ფიგურირებენ 10-ეულში მყოფი გუნდებიც.
"წითლები" 36 ქულით არიან მეექვსე ადგილზე და მათ მდევრებს შორის იმყოფება ნიუკასლ იუნაიტედიც, რომელსაც მხოლოდ სამი ქულით ნაკლები აქვს. ენფილდის ბინადრების მსგავსად, რთულ პერიოდს განიცდიან "კაჭკაჭებიც", რომლებმაც ინგლისის ჩემპიონატში ბოლოს 8 იანვარს მოიგეს.
ჩავარდნა არ ვრცელდება ჩემპიონთა ლიგაზე, სადაც არნე სლოტის გუნდი მერვედფინალში მოხვდა პირდაპირ, "ჯორდები" კი 16 საუკეთესოს შორის ადგილის დაკავებას ყარაბაღის ბარიერის დაძლევით ეცდებიან. დღევანდელ შეხვედრაში ყურადღების ცენტრში იქნებოდა ლივერპულში სენტ ჯეიმს პარკიდან გადასული ალექსანდერ ისაკი, მაგრამ ის ტრავმირებულია.
ეს იქნება ამ გუნდების რიგით 186-ე მატჩი და იქამდე - 92-ჯერ იმარჯვა მერსისაიდულმა გუნდმა, 49-ჯერ - ნიუკასლ იუნაიტედმა, 44 თამაში ფრედ დასრულდა. აღსანიშნავია ისიც, რომ "წითლები" "კაჭკაჭებთან" ინგლისის ჩემპიონატში 2015 წლის დეკემბრის შემდეგ არ აგებენ.
შაბათის მატჩის დღე
| ლიდსი - არსენალი | 19:00 | პრემიერ ლიგა |
| უოტფორდი - სუონსი | 19:00 | ჩემპიონშიპი |
| ოსასუნა - ვილიარეალი | 19:15 | ლა ლიგა |
| ნაპოლი - ფიორენტინა | 21:00 | სერია ა |
| ჰამბურგი - ბაიერნი | 21:30 | ბუნდესლიგა |
| ჩელსი - ვესტ ჰემი | 21:30 | პრემიერ ლიგა |
| ლევანტე - ატლეტიკო | 21:30 | ლა ლიგა |
| სენტ-ეტიენი - ბულონი | 23:00 | ლიგა 2 |
| ლივერპული - ნიუკასლი | 23:55 | პრემიერ ლიგა |
| ელჩე - ბარსელონა | 23:55 | ლა ლიგა |
