პრემიერ ლიგა
პრემიერ ლიგის მეექვსე ტური მანჩესტერისა და ტოტენჰემის დაპირისპირებით დაიხურება. სატურნირო ცხრილში ეს გუნდები ერთმანეთის მახლობლად, თანაბარი ქულებით არიან: 10-11 პოზიციებზე, 7-7 ქულით. მათ შორის სხვაობას ბურთების შეფარდება ქმნის. ჰოტსპურს ბურთების შეფარდების უკეთესი ბალანსი აქვს.
17:00 - იფსვიჩი-ასტონ ვილა
19:30 - მანჩესტერ იუნაიტედი-ტოტენჰემი
ლა ლიგა
ლა ლიგაში მთავარი სენსაცია გუშინ დაფიქსირდა - ბარსელონა ოსასუნასთან დამარცხდა. დღეს კი მადრიდული დერბია, რომელშიც კილიან მბაპეს ტრავმისა და სტუმრის სტატუსის მიუხედავად, ფავორიტად მაინც რეალი მოიაზრება. დიეგო სიმეონეს განცხადებით, ატლეტიკოს ერთადერთი კონკურენტი საჩემპიონო რბოლაში, სწორედ "სამეფო კლუბი" არის.
16:00 - სელტა-ჟირონა
18:15 - ბილბაო-სევილია
20:30 - ბეტისი-ესპანიოლი
23:00 - ატლეტიკო-რეალი
სერია ა
სერია ა-ში, პირველ რიგში, გვაინტერესებს ხვიჩა კვარაცხელიასა და საბა გოგლიჩიძის თამაში. ნაპოლი მიიღებს მონცას, ემპოლი კი - ფლორენციის ფიორენტინას. დღეს ასევე, თავის მატჩს ვენეციასთან რომა გამართავს. არ უნდა დაგვავიწყდეს ტორინოც, რომელიც რომის ლაციოსთან მოგების შემთხვევაში, კვლავ 1-ელ პოზიციაზე გადავა.
14:30 - ტორინო-ლაციო
17:00 - რომა-ვენეცია
17:00 - კომო-ვერონა
20:00 - ემპოლი-ფიორენტინა
22:45 - ნაპოლი-მონცა
ლიგა 1
დღეს, თავის შეხვედრას გამართავს გიორგი მიქაუტაძის ლიონი, რომელიც ტულუზას ესტუმრება. ევროპა ლიგაზე პირეოსის ოლიმპიაკოსთან გამარჯვების შემდეგ, ოლიმპიკში დადებითი განწყობა სუფევს.
არ უნდა დაგვავიწყდეს ზურიკო დავითაშვილის სენ-ეტიენიც, რომელიც ნანტს ესტუმრება. ვნახოთ, რა შედეგით დასრულდება საფრანგეთის ერთ-ერთი ყველაზე ტიტულოვანი კლუბების დუელი.
17:00 - ტულუზა-ლიონი
19:00 - ნანტი-სენტ ეტიენი
19:00 - ანჟერი-რეიმსი
22:45 - სტრასბურგი-მარსელი
ლეგიონერები
კვარაცხელია, მიქაუტაძე, დავითაშვილი და გოგლიჩიძე უკვე ვახსენეთ, ახლა კი ტოპ ხუთი ჩემპიონატის მიღმა მოთამაშე ლეგიონერები - ბუდუ ზივზივაძის კარლსრუე კიოლნს ესტუმრება. საინტერესო მატჩები გველის ლა ლიგა 2-შიც: გიორგი ქოჩორაშვილი და მისი ლევანტე მიიღებენ ალმერიას, გიორგი წიტაიშვილის გრანადა კი ბურგოსს ესტუმრება.
სანდრო ალთუნაშვილის ვოლფსბერგერი მიიღებს ტიროლს, გიორგი გოჩოლეიშვილის კოპენჰაგენი კი ვეილეს ესტუმრება. ასევე, თავიანთ შეხვედრებს საბერძნეთსა და კვიპროსში ჩაატარებენ ლევან შენგელია, ლაშა დვალი და გიორგი ქვილითაია.
დღევანდელი მატჩების სრული განრიგი შეგიძლიათ იხილოთ ქვემოთ:
15:30 - კიოლნი-კარლსრუე
16:00 - ლევანტე-ალმერია
16:30 - ვოლფსბერგერი-ტიროლი
17:00 - რომა-ვენეცია
17:00 - ტულუზა-ლიონი
18:00 - ოფი-პანაითოლიკოსი
18:15 - ბურგოსი-გრანადა
19:00 - ნანტი-სენტ ეტიენი
19:30 - მანჩესტერ იუნაიტედი-ტოტენჰემი
20:00 - ემპოლი-ფიორენტინა
20:00 - ვეილე-კოპენჰაგენი
20:00 - ომონია-აპოელი
20:00 - პაფოსი-არისი
22:45 - ნაპოლი-მონცა
23:00 - ატლეტიკო-რეალი
