შაბათის მატჩის დღეს გაიმართება არაერთი საინტერესო დაპირისპირება, რომელთა შორის მთავარი იქნება მადრიდული დერბი - რეალი ატლეტიკოს ესტუმრება. განვიხილოთ, თუ რას გვიმზადებს პრიმერა დივიზიონის ცენტრალური შეხვედრა.
მადრიდული დერბი
რეალი ამ მომენტისთვის ლა ლიგის ერთადერთი გუნდია, რომელსაც ერთი ქულაც არ დაუკარგავს - ექვსიდან ექვსი გამარჯვება და პირველი პოზიცია. საპირისპირო მდგომარეობა აქვს ატლეტიკოს, რომელსაც 6 ტურის შემდეგ, მხოლოდ 9 ქულა აქვს. პირველი მოგება დაფიქსირდა მხოლოდ მე-4 ტურში, გიორგი მიქაუტაძის ვილიარეალთან.
არსებობს მოსაზრება, რომ მადრიდელთა წარუმატებელი სტარტი უნდა ნიშნავდეს დიეგო სიმეონეს წასვლას, რომელიც თავის ამჟამინდელ კლუბში თითქმის 15 წლით შეყოვნდა. "როხიბლანკო" აქამდეც არაერთხელ ყოფილა ცუდ ფორმაში, მაგრამ "სამეფო კლუბის" წინააღმდეგ ბოლომდე ბრძოლას მაინც ახერხებდა.
ვნახოთ, რა იქნება დღევანდელ მატჩში, რომელშიც "ბლანკოსი" "ინდიელებთან" გამოკვეთილი ფავორიტის სტატუსით ჩადის. აღსანიშნავია, რომ ბერნაბეუს ბინადრები სიმეონეს გუნდის წინააღმდეგ ითამაშებენ საკადრო პრობლემებით, ლაზარეთში არიან ტრენტ ალექსანდერ-არნოლდი, ანტონიო რუდიგერი და ფერლან მენდი.
წამყვანი მცველების ტრავმა რეალისთვის თითქოს უკვე ჩეულებრივი მოვლენაა. რაც შეეხებათ მეტროპოლიტანოს ბინადრებს, მათ ვერ დაეხმარებიან ხოსე მარია ხიმენესი, ტიაგო ალმადა და ჯონი კარდოსო. მადრიდული დერბის შემდეგ, ორივე კლუბს ელის შეხვედრა ჩემპიონთა ლიგაზე, "სამეფო კლუბს" ქაირათთან, "როხიბლანკოს" კი აინტრახტთან.
შაბათის მატჩის დღე
| დრო | მატჩი | ტურნირი |
| 15:30 | ბრენტფორდი - მან იუნაიტედი | პრემიერ ლიგა |
| 18:00 | კრისტალ პალასი - ლივერპული | პრემიერ ლიგა |
| 18:00 | ჩელსი - ბრაიტონი | პრემიერ ლიგა |
| 18:00 | მან სიტი - ბარნლი | პრემიერ ლიგა |
| 18:15 | ატლეტიკო - რეალი | ლა ლიგა |
| 20:00 | იუვენტუსი - ატალანტა | სერია ა |
| 22:00 | სენტ-ეტიენი - გინგამი | ლიგა 2 |
| 22:45 | კალიარი - ინტერი | სერია ა |
| 23:00 | ვილიარეალი - ბილბაო | ლა ლიგა |
| 23:05 | პსჟ - ოსერი | ლიგა 1 |
| 23:30 | ეშტორილი - სპორტინგი | პრიმეირა ლიგა |
| 03:30 | ნიუ ინგლენდი - ატლანტა | MLS |
