მატჩის დღე - მან სიტი ტოტენჰემთან მოგებით არსენალთან სხვაობის შემცირებას ეცდება

კვირის მატჩის დღე მანჩესტერ სიტის სტუმრობით ლონდონში, ტოტენჰემთან. განვიხილოთ, თუ რას უნდა ველოდოთ ამ დაპირისპირებისგან.

ტოტენჰემი V მანჩესტერ სიტი | 20:30

მან სიტი საჩემპიონო რბოლაშია - გასულ ტურში არსენალის მანჩესტერ იუნაიტედთან მარცხით, ჩამორჩენა პრემიერ ლიგის ლიდერთან ოთხ ქულამდე შემცირდა. მიმდინარე უიკენდზე ლონდონელებმა გაანადგურეს ლიდსი, რითაც "ქალაქელებთან" სხვაობა კვლავ 7 ქულამდე გაზარდეს.

ვნახოთ, შეძლებს თუ არა მანჩესტერული გუნდი "მეთოფეებთან" მიახლოებას კვლავ, ამისთვის, გასვლაზე ტოტენჰემის დამარცხება არის საჭირო. ლონდონელები ინგლისის ჩემპიონატში ნამდვილად არ განიცდიან საუკეთესო პერიოდს: დედაქალაქელთა ბოლო მოგება 28 დეკემბრით თარიღდება.

შედეგად, 28 ქულა და მე-14 ადგილი. "მამლები" არიან გასავარდნ ზონასთან უფრო ახლოს, ვიდრე ჩემპიონთა ლიგის ოთხეულთან. ამ ყველაფრის შემდეგ, ისმის კითხვა: რატომ არ უშვებენ ტომას ფრანკს ჰოტსპურიდან? პასუხი იმალება ევროპის მთავარ საკლუბო ტურნირში, რომელშიც ტოტენჰემი 4 საუკეთესოს შორის მოხვდა.

დიახ, ლონდონურ გუნდზე წარმატებით ჩემპიონთა ლიგის ფაზაზე იასპარეზეს მხოლოდ მიუნხენის ბაიერნმა, ლივერპულმა და თანაქალაქელმა ემირეიტსის ბინადრებმა. "მამლები" 1/8 ფინალში მოხვდნენ პირდაპირ, ისევე როგორც მათი დღევანდელი მოწინააღმდეგე, პეპ გუარდიოლას გუნდი.

ეს იქნება ამ გუნდების რიგით 166-ე მატჩი და იქამდე - 66-ჯერ იმარჯვა ტოტენჰემმა, 64-ჯერ - მან სიტიმ, 35 თამაში ფრედ დასრულდა. მანჩესტერელთა ყველა დროის საუკეთესო გოლეადორმა, სერხიო აგუერომ ლონდონელებს სხვადასხვა დროს შეუგდო 12 ბურთი, რაც აღნიშნულ დუელში რეკორდული შედეგია.

კვირის მატჩის დღე