პრემიერ ლიგა
როგორც აღვნიშნეთ, პრემიერ ლიგის მე-16 ტური რიგით 177-ე მანჩესტერულ დერბის გვთავაზობს. ურთიერთშეხვედრების ისტორია ასეთია - 71-ჯერ იმარჯვა იუნაიტედმა, 57-ჯერ სიტიმ, 48 მატჩი კი ფრედ დასრულდა. დერბის ყველა დროის საუკეთესო გოლეადორი არის უეინ რუნი, რომელმაც "ქალაქელთა" კარში სხვადასხვა დროს 11 ბურთი გაიტანა.
რაც შეეხება გუნდების ამჟამინდელ მდგომარეობას, "ლურჯების" კრიზისი გრძელდება - მხოლოდ ერთი გამარჯვება უკანასკნელ 10 შეხვედრაში და ცხრაქულიანი ჩამორჩენა ლიდერ ლივერპულთან. ბოლო წლებში უკვე მივეჩვიეთ, რომ დერბიში გამოკვეთილი ფავორიტი ყოველთვის პეპ გუარდიოლას გუნდია, მაგრამ ახლა გამონაკლისი შემთხვევაა.
ჩვენ ვიხილავთ კრიზისში მყოფ ორი გრანდის დაპირისპირებას და გამარჯვებული გამოვა ის, რომელიც უფრო ნაკლებად პრობლემური აღმოჩნდება. ეტიჰადელთა სირთულეების შესახებ უკვე ვისაუბრეთ, რა ხდება ამ დროს "წითელ ეშმაკებში"? პრობლემი, პრობლემები და კიდევ ერთხელ პრობლემები. უკვე 11 წელია, რაც "მანკუნიანელები" ცდილობენ ჭაობიდან ამოსვლას, მაგრამ ამაოდ.
ერიკ ტენ ჰაგის გათავისუფლების შემდეგ, ოლდ ტრაფორდის ბინადრების გადასარჩენად ამჯერად მოიწვიეს რუბენ ამორიმი, თუმცა დაკისრებულ მოვალეობას თავს ჯერჯერობით ისიც ვერ ართმევს. პორტუგალიელი თავკაცი მანჩესტერ იუნაიტედში მუშაობას სულ რაღაც ერთი თვის წინ შეუდგა, მაგრამ მან უკვე მოასწრო იფსვიჩთან ფრეს თამაში, ასევე წაგება ლონდონის არსენალსა და ნოტინგემ ფორესტთან.
ამ ყველაფრის შემდეგ, "წითელი ეშმაკები" 19 ქულით მე-13 ადგილზე არიან. საინტერესოა, რომ გასავარდნ ზონამდე მათ შვიდი ქულა აშორებთ, პირველ პოზიციამდე კი - 17 ქულა. რაც შეეხება საკადრო პრობლემებს, მანჩესტერ სიტის ლაზარეთი გადავსებულია: როდრი ერნანდესი, ჯონ სტოუნსი, ნათან აკე, მანუელ აკანჯი, მატეო კოვაჩიჩი, ფილ ფოდენი და ოსკარ ბობი.
"მანკუნიანელებს" კი დანიელ გორი ვერ დაეხმარება.
დღევანდელი დღის კიდევ ერთი საინტერესო შეხვედრა - ლონდონის ჩელსი თანაქალაქელ ბრენტფორდს მიიღებს. სეზონის მიმდინარეობამ გვაჩვენა, თუ ვინმეს შეუძლია ლიდერი "წითლებისთვის" კონკურენციის გაწევა, ესენი, პირველ რიგში, "არისტოკრატები" არიან.
მერსისაიდელებთან ჩამორჩენა ამ დროისთვის მხოლოდ ხუთ ქულას შეადგენს. "ლურჯები" ნამდვილად არ უჩივიან საკადრო პრობლემებს და არაა გამორიცხული, რომ სეზონის მიმდინარეობისას მათ "სქაუზერებს" მართლაც შეუქმნან სირთულეები.
მერსისაიდელებთან ჩამორჩენა ამ დროისთვის მხოლოდ ხუთ ქულას შეადგენს. "ლურჯები" ნამდვილად არ უჩივიან საკადრო პრობლემებს და არაა გამორიცხული, რომ სეზონის მიმდინარეობისას მათ "სქაუზერებს" მართლაც შეუქმნან სირთულეები.
18:00 - ბრაიტონი-კრისტალ პალასი
20:30 - მანჩესტერ სიტი-მანჩესტერ იუნაიტედი
23:00 - ჩელსი-ბრენტფორდი
23:00 - საუთჰემპტონი-ტოტენჰემი
ლა ლიგა
ლა ლიგაში, პირველ რიგში, გვაინტერესებს სატურნირო ცხრილის ამჟამინდელი ლიდერის, ბარსელონას მდგომარეობა, რომელიც ლეგანესს მიიღებს. "ბლაუგრანას" სულ რაღაც 3 ქულით ჩამორჩება ატლეტიკო, რომელიც დღეს მეზობელ ხეტაფეს მიიღებს. ასევე, გამოსარჩევია ბასკური დერბი ალავესსა და ბილბაოს შორის.
17:00 - ატლეტიკო-ხეტაფე
19:15 - ალავესი-ბილბაო
21:30 - ვილიარეალი-ბეტისი
21:30 - სოსიედადი-ლას პალმასი
23:55 - ბარსელონა-ლეგანესი
სერია ა
საინტერესო შეხვედრები გაიმართება სერია ა-შიც - მილანი მიიღებს ჯენოას, რომა ესტუმრება კომოს, ფლორენციის ფიორენტინა კი - ბოლონიას. ასევე, გამოსარჩევია საჩემპიონო რბოლაში ჩართული რომის ლაციოსა და მილანის ინტერის დაპირისპირებაც, მაგრამ აღნიშნული მატჩი ორშაბათს გაიმართება.
15:30 - ლეჩე-მონცა
18:00 - ბოლონია-ფიორენტინა
18:00 - პარმა-ვერონა
21:00 - კომო-რომა
23:45 - მილანი-ჯენოა
ლიგა 1
ქართველი მაყურებლისთვის ყველაზე საინტერესო დაპირისპირება გაიმართება ლიგა 1-ში: პარის სენ-ჟერმენი - ლიონი. გიორგი მიქაუტაძის მიერ ანჟერის კარში გატანილი ულამაზესი ბურთის შემდეგ, ჩნდება კითხვა: შეძლებს თუ არა ის ამჯერად პსჟ-ს კარის აღებას. შეგახსენებთ, რომ მიმდინარე სეზონში ქართველ ფორვარდს უკვე 5 გოლი დაუგროვდა.
ოლიმპიკის თავდამსხმელმა სამი ბურთი გაიტანა ლიგა 1-ში, ორი კი ევროპა ლიგაზე. გუნდში ალექსანდერ ლაკაზეტის არსებობის გათვალისწინებით, რონელთა 24 წლის ფორვარდი მატჩს უდიდესი ალბათობით სათადარიგოთა სკამიდან დაიწყებს, მაგრამ იმედი დავიტოვოთ, რომ ის აუცილებლად დროულად შევა სტადიონზე.
18:00 - მონპელიე-ნიცა
20:00 - ბრესტი-ნანტი
20:00 - რენი-ანჟერი
20:00 - ლე ავრი-სტრასბურგი
23:45 - პსჟ-ლიონი
ლეგიონერები
მიქაუტაძის გარდა, დღეს მოედანზე ვიხილავთ გიორგი ჩაკვეტაძესაც, რომლის უოტფორდი ვესტ ბრომვიჩ ალბიონს მიიღებს. ურთულესი გამოცდა ელოდება პორტუგალიაში გიორგი აბურჯანიასაც, რომლის ავეში ლისაბონის ბენფიკას ესტუმრება. მათ გარდა, დღეს, საქართველოს ეროვნული გუნდის სხვა წევრებიც ითამაშებენ.
17:00 - ატლეტიკო-ხეტაფე
18:00 - უოტფორდი-ვესტ ბრომვიჩი
18:00 - ჩიტადელა-კრემონეზე
20:30 - მანჩესტერ სიტი-მანჩესტერ იუნაიტედი
22:00 - ავეში-ბენფიკა
23:00 - ჩელსი-ბრენტფორდი
23:00 - საუთჰემპტონი-ტოტენჰემი
23:45 - პსჟ-ლიონი
23:45 - მილანი-ჯენოა
23:55 - ბარსელონა-ლეგანესი
