პრემიერ ლიგა
პრემიერ ლიგის ცენტრალური შეხვედრა - პეპ გუარდიოლა მანჩესტერ სიტისთან ერთად, ესტუმრება თავისი ყოფილი მოსწავლის, მიკელ არტეტას ლონდონის არსენალს. "ქალაქელთა" სპეციალისტმა თავის შეგირდს მოუგო რამდენიმე საჩემპიონო ბრძოლა, მაგრამ წელს, უკეთეს მდგომაროებაში "მეთოფეების" დამრიგებელი უფრო არის.
პრემიერ ლიგაში ჩატარებული 23 ტურის შემდეგ, "კანონირები" 47 ქულით არიან მეორე ადგილზე, "ლურჯები" კი 41 ქულით მეოთხე - მეხუთე პოზიციებს ნიუკასლთან იყოფენ. წლის კატასტროფული დასასრულის შემდეგ, გუარდიოლას შეგირდები ცდილობენ ჩვეულ რიტმში დაბრუნებას და ემირეითსზე სტუმრობა მათთვის ურთულესი გამოცდა იქნება.
არტეტას გუნდი კი ჯერ კიდევ განიხილება იმ ძალად, რომელსაც პირველადგილოსანი ლივერპულისთვის კონკურენციის გაწევა შეუძლია. ეტიჰადის ბინადრებთან წაგების შემთხვევაში, არსენალის ჩამორჩენა "წითლებთან" 9 ქულამდე გაიზრდება. ერთი სიტყვით, სასწორზე დევს ბევრი რამ, როგორც სიტისთვის, ისე ლონდონელებისთვისაც.
18:00 - მანჩესტერ იუნაიტედი-კრისტალ პალასი
18:00 - ბრენტფორდი-ტოტენჰემი
20:30 - არსენალი-მანჩესტერ სიტი
ლა ლიგა
ლა ლიგაში პირველ რიგში გვაინტერესებს გიორგი მამარდაშვილის ვალენსია, რომელიც ესპანური ფეხბურთის ელიტაში ადგილის შენარჩუნებას ცდილობს. "ღამურების" მეტოქე ვიგოს სელტა იქნება. პრიმერა დივიზიონში ჩატარებული 21 მატჩის შემდეგ, ქართველი გოლკიპერის გუნდი 16 ქულით ბოლოსწინა პოზიციაზეა.
17:00 - ბარსელონა-ალავესი
19:15 - ვალენსია-სელტა
21:30 - ოსასუნა-სოსიედადი
23:55 - ბეტისი-ბილბაო
სერია ა
დღეს, ყურადღების ცენტრში იქნება სერია ა, სადაც ერთბაშად სამი საინტერესო შეხვედრა გაიმართება. პირველ რიგში გამოსარჩევია დერბი დელა მადონინა - მილანი ინტერის წინააღმდეგ. ორივე გუნდი სეზონს განსხვავებულ რიტმში ატარებს: სერია ა-ს მოქმედი ჩემპიონი ჩართულია სასკუდეტო ბრძოლაში და ამის გარდა, "ნერაძური" საუკეთესო 8 გუნდს შორის მოხვდა ჩემპიონთა ლიგის ფაზაში.
"როსონერიში" პრობლემებია, რომლის გამოსწორებას კლუბი ყოველდღე ცდილობს. ჩემპიონთა ლიგის შვიდგზის ტრიუმფატორმა პაულო ფონსეკას ნაცვლად მოიყვანა სერჟიო კონსეისაუ და ამის გარდა, "შავ-წითლებმა" რამდენიმე მოთამაშეც გაუშვეს. კლუბს შეუერთდა კაილ უოკერი და ძალიან მალე მოდის დედაქალაქში სანტი ხიმენესიც ჩამოვა.
ვნახოთ, შეძლებენ თუ არა "ეშმაკები" სეზონის გადარჩენას. "გველებთან" ჩამორჩენა ამ დროისთვის შეადგენს 16 ქულას, თუმცა საინტერესოა ის, რომ სერია ა-ს მოქმედმა ჩემპიონმა მილანს ამ სეზონში ვერცერთი დერბი ვერ მოუგო. იტალიის ჩემპიონატის პირველ წრეში წააგო სწორედ სიმონე ინძაგის გუნდმა, შემდეგ კი იყო "როსონერის" დაუჯერებელი ქამბექი იტალიის სუპერთასზე.
დერბი დელა მადონინას გარდა, საინტერესო იქნება საბა გოგლიჩიძის სტუმრობა ტურინის იუვენტუსთან. რაც შეეხება სერია ა-ს ლიდერ ნაპოლის, ურთულესი გასვლითი მატჩი რომასთან. ხვიჩა კვარაცხელიას პარის სენ-ჟერმენში გაყიდვის შემდეგ, "პარტენოპეიმ" მოუგო "ბებერ ქალბატონსა" და ბერგამოს ატალანტას, ახლა კი ვნახოთ, რა იქნება "ჯალოროსისთან".
15:30 - იუვენტუსი-ემპოლი
18:00 - ფიორენტინა-ჯენოა
21:00 - მილანი-ინტერი
23:45 - რომა-ნაპოლი
ლიგა 1
კვირის მატჩის დღის კიდევ ერთი ცენტრალური დაპირისპირება - ოლიმპიკების დერბი, მარსელისა და ლიონის მონაწილეობით. ისმის კითხვა - რომელია ფრანგული ფეხბურთის მთავარი ოლიმპიკი? ერთ დროს ყველაზე ტიტულოვანი და ჩემპიონთა ლიგის მომგები "თეთრ-ლურჯთა" გუნდი თუ რონელები, რომლებმაც ჩემპიონობა 2000-იანებში ზედიზედ 7-ჯერ იზეიმეს?
აღნიშნული დაპირისპირების მონაწილე იქნება გიორგი მიქაუტაძეც, რომელიც გასულ ზაფხულს "ლომებში" დაბრუნდა. აღსანიშნავია, რომ ახალგაზრდა ქართველ ფორვარდს "პროვანსალების" კარში გოლის გატანის გამოცდილება აქვს. ეს მოხდა 2023 წლის ზაფხულში, როდესაც ის ჯერ კიდევ მეცში თამაშობდა.
ვნახოთ, რას შემოგვთავაზებს ჟერლანელების თავდამსხმელი ამჯერად. რთული სათქმელია, დაიწყებს თუ არა ის აღნიშნულ შეხვედრას სასტარტო შემადგენლობიდან. როგორც ვიცით, გრუპამა სთეიდიუმი დატოვა პიერ საჟმა, მის ნაცვლად კი დაინიშნა პაულო ფონსეკა, რომელსაც კლუბში მომხდარ სიტუაციაზე თავისი ხედვა აქვს.
18:00 - ტულუზა-ნიცა
20:15 - რეიმსი-ნანტი
20:15 - რენი-სტრასბურგი
20:15 - ანჟერი-ლე ავრი
23:45 - მარსელი-ლიონი
კვირის მატჩის დღის ყველა გამორჩეული დაპირისპირება
15:30 - იუვენტუსი-ემპოლი
17:00 - ბარსელონა-ალავესი
18:00 - მანჩესტერ იუნაიტედი-კრისტალ პალასი
18:00 - სალერნიტანა-კრემონეზე
19:15 - ვალენსია-სელტა
20:30 - არსენალი-მანჩესტერ სიტი
21:00 - მილანი-ინტერი
23:45 - რომა-ნაპოლი
23:45 - მარსელი-ლიონი
