მატჩის დღე - პარიზული კრახის შემდეგ, ჩელსი ნიუკასლს მიიღებს

შაბათის მატჩის დღეს გაიმართება არაერთი საინტერესო დაპირისპირება, მთავარი კი შედგება ლონდონში, სადაც ჩელსი ნიუკასლ იუნაიტედს უმასპინძლებს. განვიხილოთ, თუ რას უნდა ველოდოთ აღნიშნული შეხვედრისგან.

ჩელსი V ნიუკასლი | 21:30

ჩელსის ჰქონდა წარუმატებელი გამოსვლა ჩემპიონთა ლიგის მერვედფინალში - მარცხი, ანგარიშით 2:5 პარის სენ-ჟერმენთან. 74-ე წუთამდე ლონდონელებს შეიძლება ითქვას, რომ ჰქონდათ უპირატესობა, რადგან ტაბლოზე იყო 2:2, მაგრამ ხვიჩა კვარაცხელიას შემოსვლის შემდეგ, პსჟ-ს დომინაცია საგრძნობლად გაიზარდა.

ნიუკასლ იუნაიტედის პერფომანსი არ ყოფილა ასეთი მტკივნეული, თუმცა გამარჯვების მოპოვება ამ გუნდაც ვერ შეძლო - ფრე ბარსელონასთან, 1:1. "კაჭკაჭები" იგებდნენ 96-ე წუთამდე, მაგრამ შემდეგ, სტუმრებმა 11-მეტრიანი შეაგდეს. რაც შეეხება საპასუხო შეხვედრებს, როგორც "არისტოკრატების", ისე "ჯორდების" 1/4 ფინალში გასვლის შანსები საკმაოდ მცირედ არის შეფასებული.

უშუალოდ პრემიერ ლიგაში კი გუნდების მდგომარეობა ასეთია - სტემფორდ ბრიჯის ბინადრები 48 - 48 ქულით, მეხუთე - მეექვსე ადგილებს ლივერპულთან იყოფენ. ლიამ როსენიორის გუნდის მიზანი არის ევროპის მთავარი საკლუბო ტურნირის საგზურის მოპოვება, მაშინ, როცა სტ. ჯეიმს პარკის ბინადრებისთვის უბრალოდ სეზონის გადარჩენა.

ედი ჰაუს შეგირდები 39 ქულით მე-12 ადგილზე არიან. სახსენებელია ამ გუნდის ცუდი ფორმაც, პრემიერ ლიგის ბოლო რვა მატჩში ხუთი წაგება, ორი მოგება და ფრე. ჩელსი ამ მხრივ უკეთეს მდგომარეობაშია: ხუთი გამარჯვება, ორი ფრე და მხოლოდ ერთი მარცხი.

შაბათის მატჩის დღე