შაბათის მატჩი დღე - არაერთი საინტერესო დაპირისპირება და გიორგი ქოჩორაშვილის პირველი სერიოზული გამოცდა. დღეს, მისი ლისაბონის სპორტინგი შინ პორტუს მიიღებს. განვიხილოთ როგორც აღნიშნული შეხვედრა, ისე დანარჩენებიც.
სპორტინგი V პორტუ
სპორტინგი პორტუს მიიღებს პრიმეირა ლიგას ჩემპიონის რანგში, თანაც ზედიზედ ორი გათამაშების. ის გუნდი ასოცირდება რუბენ ამორიმთან და ვიქტორ გიოკერეშთან, მაგრამ დღეს, ლისაბონში არცერთი მათგანი აღარ არის. პორტუგალიელი თავკაცი ცდილობს მანჩესტერ იუნაიტედის კრიზისიდან ამოყვანას, შვედმა ფორვარდმა კი არსენალს მიაშურა.
დიახ, "ლომების" შემადგენლობა განახლდა და ერთ-ერთი მთავარი სიახლე სწორედ ქოჩორაშვილის ფაქტორია. ახალწვეულმა ნახევარმცველმა მონაწილეობა მიიღო გასულ სამივე შეხვედრაში, მაგრამ ძირითადში ქართველი შუახაზელი არ ყოფილა. დღეს, შესაძლოა ვიხილოთ სხვა სურათი, ჰიდემასა მორიტას ტრავმის გათვალისწინებით.
იაპონელმა ნახევარმცველმა ტრავმა მიიღო გასულ ტურში და მის ნაცვლად 32-ე წუთზე სწორედ გიორგი შემოვიდა. ის მწყობრში არც ახლა არის, რაც ნიშნავს იმას, რომ ალვალადეს ბინადრების ძირითადში სწორედ ლევანტეს ყოფილ შუახაზელს ვიხილავთ.
შაბათის გამორჩეული მატჩები
| დრო | მატჩი | ტურნირი |
| 15:30 | ჩელსი - ფულჰემი | პრემიერ ლიგა |
| 17:30 | ლაიფციგი - ჰაიდენჰაიმი | ბუნდესლიგა |
| 18:00 | მან იუნაიტედი - ბარნლი | პრემიერ ლიგა |
| 20:30 | აუგსბურგი - ბაიერნი | ბუნდესლიგა |
| 22:00 | სენტ ეტიენი - გრენობლი | ლიგა 2 |
| 22:45 | ნაპოლი - კალიარი | სერია ა |
| 23:05 | ტულუზა - პსჟ | ლიგა 1 |
| 23:30 | რეალი - მალიორკა | ლა ლიგა |
| 23:30 | სპორტინგი - პორტუ | პრიმეირა ლიგა |
