შაბათის მატჩის დღეს ტრადიციულად გველის დაპირისპირებები ევროპული ქვეყნების შიდა ჩემპიონატებში. განვიხილოთ, თუ რას უნდა ველოდოთ დღევანდელი შეხვედრებისგან.
ნიცა V პსჟ | 23:55
ჩემპიონთა ლიგაზე ბრწყინვალე პერფომანსის შემდეგ, პარის სენ-ჟერმენს ელის გასვლითი მატჩი ლიგა 1-ში. შეგახსენებთ, რომ ევროსარბიელზე პსჟ-მ 2 შეხვედრის ჯამში ლონდონის ჩელსი 8:2 გაანადგურა. დღეს, ევროპის მთავარი საკლუბო ტურნირის მოქმედი ჩემპიონის მოწინააღმდეგე ნიცა იქნება.
აღსანიშნავია, რომ "ლურჯ-წითლებს" ლიგა 1-ში თავიანთ მთავარ კონკურენტზე, ლანსზე ორი მატჩით ნაკლები აქვთ ჩატარებული. სხვაობა ამ მომენტისთვის 2 ქულაა, "წითელ-ოქროსფრების" სასარგებლოდ. დღეს მოგების შემთხვევაში ლუის ენრიკეს გუნდი გადაასწრებს თავის კონკურენტს, თანაც ისე, რომ კიდევ 1 შეხვედრა მას თადარიგში ექნება.
ცხადია, გამარჯვებას ეცდებიან "არწივებიც", რომლებიც გასავარდნი ზონის მახლობლად ტრიალებენ. ლიგა 1-ში ჩატარებული 26 მატჩის შემდეგ, "შავ-წითლები" 27 ქულით მე-15 პოზიციაზე არიან. დღევანდელ შეხვედრას უდიდესი ალბათობით ძირითადში დაიწყებს ხვიჩა კვარაცხელია, რომელმაც "არისტოკრატებთან" ორივე შეხვედრაში გაიბრწყინა.
შაბათის მატჩის დღე
| ნიურნბერგი - კაიზერსლაუტერნი | 16:00 | ბუნდესლიგა 2 |
| ბრაიტონი - ლივერპული | 16:30 | პრემიერ ლიგა |
| ბაიერნი - უნიონი | 18:30 | ბუნდესლიგა |
| ჰაიდენჰაიმი - ლევერკუზენი | 18:30 | ბუნდესლიგა |
| უოტფორდი - ლესტერი | 19:00 | ჩემპიონშიპი |
| რასინიგი - ალბასეტე | 19:15 | ლა ლიგა 2 |
| მილანი - ტორინო | 21:00 | სერია ა |
| ევერტონი - ჩელსი | 21:30 | პრემიერ ლიგა |
| დორტმუნდი - ჰამბურგი | 21:30 | ბუნდესლიგა |
| სენტ-ეტიენი - ანსი | 23:00 | ლიგა 2 |
| იუვენტუსი - სასუოლო | 23:45 | სერია ა |
| ნიცა - პსჟ | 23:55 | ლიგა 1 |
