კვირის მატჩის დღეს გველის არაერთი საინტერესო დაპირისპირება. პირველ რიგში გამოსარჩევია ქართული დერბი სერია ა-ში - ხვიჩა კვარაცხელიას ნაპოლი საბა გოგლიჩიძის ემპოლის ესტუმრება. ამის გარდა, საყურადღებოა ორი ტოპ მატჩი: ლივერპული-ჩელსი და რომა-ინტერი.
პრემიერ ლიგა
პრემიერ ლიგის მერვე ტური ცენტრალური შეხვედრით დაიხურება - ლივერპული ლონდონის ჩელსის მიიღებს. მასპინძლებსა და სტუმრებს შორის სხვაობა ამ მომენტისთვის 4 ქულა არის. იურგენ კლოპის წასვლის შემდეგ, "წითლებში" ახალი ერა არნე სლოტმა დაიწყო და უნდა ითქვას, რომ საკმაოდ წარმატებულადაც.
ფაქტია, რომ "მერსისაიდელები" ჯერჯერობით უსწრებენ როგორც მოქმედ ჩემპიონ მანჩესტერ სიტის, ისე ლონდონის არსენალსაც. რაც შეეხებათ "არისტოკრატებს", ისინი ენცო მარესკას ხელში თავიანთი ფეხბურთისა და იდეალური შემადგენლობის ძიებაში არიან. აქვე დავამატებთ, რომ ამ მატჩამდე, "ქალაქელების" ვულვზთან სტუმრობას ვიხილავთ.
17:00 - ვულვზი-მანჩესტერ სიტი
19:30 - ლივერპული-ჩელსი
ლა ლიგა
ლა ლიგის მეათე ტურის ცენტრალურ შეხვედრაში სატურნირო ცხრილის ლიდერი, ბარსელონა, სევილიას უმასპინძლებს. სტუმრების კრიზისის გათვალისწინებით, კატალონიელები გამოკვეთილი ფავორიტები არიან. ასევე დღეს, მადრიდის ატლეტიკო ლეგანესს მიიღებს.
16:00 - მალიორკა-რაიო ვალეკანო
18:15 - ატლეტიკო-ლეგანესი
20:30 - ვილიარეალი-ხეტაფე
23:00 - ბარსელონა-სევილია
სერია ა
ყველაზე საინტერესო დღეს სწორედ სერია ა-ში მოხდება. ხვიჩა კვარაცხელიას ნაპოლი საბა გოგლიჩიძის ემპოლის ესტუმრება. პრესაში ვრცელდებოდა ინფორმაცია, თითქოს ქართველი ვინგერი მატჩს სათადარიგოთა სკამზე დაიწყებდა, მის ნაცვლად კი "პარტენოპეის" ძირითადში გუნდის ახალწვეული, დავიდ ნერეში იქნებოდა.
ეს ინფორმაცია სიმართლეს არ შეესაბამება - სამხრეთელების ლიდერი მოედანზე პირველივე წუთებიდან გამოვა. ზოგადად, მის გარშემო ბევრი სპეკულაციაა და ამ ყველაფრის საუკეთესო პასუხი მოედანზე ნაჩვენები შედეგი უნდა იყოს. რაც შეეხება ახალგაზრდა ქართველ უკანახაზელს, მისი სატრანსფერო ფასი 5 მილიონამდე გაიზარდა.
აღნიშნული ფაქტი კარგად ასახავს იმას, რომ "ლურჯების" ცენტრალური მცველი სერია ა-ს მიმდინარე სეზონის ნამდვილი აღმოჩენა არის. აქვე დავამატებთ, რომ კალჩოში გაიმართება კიდევ ერთი საინტერესო მატჩი: მილანის ინტერი რომას ესტუმრება. მოქმედი ჩემპიონი ამჟამად მე-2 პოზიციაზე არის, "ჯალოროსი" კი ჯერჯერობით მე-9.
14:30 - ემპოლი-ნაპოლი
17:00 - ლეჩე-ფიორენტინა
17:00 - ვენეცია-ატალანტა
20:00 - კალიარი-ტორინო
22:45 - რომა-ინტერი
ლიგა 1
ლიგა 1-ში ჩვენთვის ინტერესს იწვევს ლიონის სტუმრობა ლე ავრთან. შეგახსენებთ, რომ გიორგი მიქაუტაძეს მიმდინარე სეზონში გოლი გატანილი ჯერ არ აქვს. ფრანგულ პრესაში დაიწერა ქართველი ფორვარდის იჯარით სხვა კლუბში გადასვლის შესახებ და ტრანსფერით დაინტერესებული ერთ-ერთი მხარე სწორედ "ლურჯები" არიან.
17:00 - ლე ავრი-ლიონი
19:00 - ნანტი-ნიცა
19:00 - ოსერი-რეიმსი
19:00 - ტულუზა-ანჟერი
22:45 - მონპელიე-მარსელი
ლეგიონერები
კვარაცხელიას, გოგლიჩიძისა და მიქაუტაძის გარდა, მოედანზე კიდევ რამდენიმე ქართველ ლეგიონერს ვიხილავთ. ბუდუ ზივზივაძის კარლსრუე მე-2 ბუნდესლიგაში ესტუმრება ულმს, სერია ბ-ში კი ლუკა ლოჩოშვილის კრემონეზე - იუვე სტაბიას. საინტერესო მატჩი გაიმართება საბერძნეთშიც, სადაც ლევან შენგელიას ოფი პანათინაიკოსს მიიღებს. დღეს ასევე თავის მატჩებს ჩაატარებენ გიორგი ქვილითაია, ანზორ მექვაბიშვილი, გიორგი კვერნაძე, ლაშა ოდიშარია, ლუკა სილაგაძე და შოთა ნონიკაშვილი.
14:00 - ჩერკასი-ინჰულეტსი
14:30 - ემპოლი-ნაპოლი
15:30 - ულმი-კარლსრუე
17:00 - ვულვზი-მანჩესტერ სიტი
17:00 - ლე ავრი-ლიონი
17:00 - იუვე სტაბია-კრემონეზე
17:00 - რეჯანა-ფროზინონე
17:00 - რიგასი-ტუკუმსი
17:00 - კრაიოვა-ბოტოსანი
17:30 - ეთნიკოსი-არისი
18:15 - ატლეტიკო-ლეგანესი
19:00 - ოფი-პანათინაიკოსი
19:30 - ლივერპული-ჩელსი
22:45 - რომა-ინტერი
23:00 - ბარსელონა-სევილია
