მატჩის დღე: ქართველი ლეგიონერებისთვის განსაკუთრებული ტური

შაბათის მატჩის დღეს ყურადღების ცენტრში იქნებიან ქართველი ლეგიონერები, რომლებსაც ერთმანეთისგან განსხვავებული მისია აქვთ. მივყვეთ ყველაფერს თანმიმდევრობით.

პრემიერ ლიგა

პრემიერ ლიგის 31-ე ტური გაიხსნება არსენალის სტუმრობით ევერტონთან. ამის გარდა, დღეს, ერთმანეთს დაუპირისპირდებიან ჩემპიონთა ლიგის საგზურის სხვა მაძიებლებიც: ასტონ ვილა - ნოტინგემ ფორესტი. შეგახსენებთ, რომ პრემიერ ლიგის ლიდერად რჩება ლივერპული, რომელიც უახლოეს მდევრებს, ლონდონელებს 12 ქულით უსწრებს.

15:30 - ევერტონი-არსენალი

18:00 - ვესტ ჰემი-ბორნმუთი

18:00 - კრისტალ პალასი-ბრაიტონი

18:00 - იფსვიჩი-ვულვზი

20:30 - ასტონ ვილა-ნოტინგემი

ლა ლიგა

შაბათის მატჩის დღის ერთ-ერთი განსაკუთრებული შეხვედრა გაიმართება ლა ლიგაში - გიორგი მამარდაშვილი ვალენსიას მეკარის რანგში მადრიდის რეალს პრიმერა დივიზიონში ბოლოჯერ დაუპირისპირდება. შეგახსენებთ, რომ მიმდინარე სეზონის ბოლოს, ქართველი გოლკიპერი ლივერპულს შეუერთება.

დღეს თავის შხვედრას ჩაატარებს ლა ლიგის ლიდერი ბარსელონაც, რომელიც რეალ ბეტისს მიიღებს. შეგახსენებთ, რომ სხვაობა ესპანეთის ჩემპიონატის ამჟამინდელ ლიდერ კატალონიელებსა და "სამეფო კლუბს" შორის ამ დროისთვის 3 ქულას შეადგენს.

16:00 - ჟირონა-ალავესი

18:15 - რეალი-ვალენსია

20:30 - მალიორკა-სელტა

23:00 - ბარსელონა-ბეტისი

სერია ა

სერია ა-ში თავის შეხვედრას ჩაატარებს მოქმედი ჩემპიონი და ამჟამინდელი ლიდერი მილანის ინტერი, რომელიც გადარჩენისთვის მებრძოლ პარმას ესტუმრება. ცენტრალურ მატჩში მილანი ფლორენციის ფიორენტინას მიიღებს. სეზონის პირველ ნახევარში ეს გუნდები იბრძოდნენ ჩემპიონთა ლიგის საგზურისთვის, მაგრამ ახლა განსხვავებული სიტუაცია არის.

17:00 - მონცა-კომო

20:00 - პარმა-ინტერი

22:45 - მილანი-ფიორენტინა

ლიგა 1

ქართველი მაყურებლის ყურადღება მიმართული იქნება ლიგა 1-სკენ - დღეს, ანჟეს დამარცხების შემთხვევაში, ხვიჩა კვარაცხელიას პარის სენ-ჟერმენი ჩემპიონობას გაიფორმებს. დიახ, საფრანგეთის პირველობის დასრულებამდე დარჩენილია 7 ტური, მაგრამ პსჟ-ს მოგების შემთხვევაში, დედაქალაქელთა უახლოესი კონკურენტი მონაკო მათ გადასწრების თეორიულ შანსს დაკარგავს.

განსაკუთრებული თამაში ექნება გიორგი მიქაუტაძესაც ლილის წინააღმდეგ. საქმე ისაა, რომ ახალგაზრდა თავდამსხმელი ლიგა 1-ში ჩაატარებს საიუბილეო, 50-ე მატჩს. ქართველმა ფორვარდმა 27 თამაში ჩაატარა ლიონის მაისურით, 22 კი მეცის. მისი მონაგარი საფრანგეთის ლიგაში 21 ბურთს შეადგენს.

19:00 - პსჟ-ანჟე

21:00 - ბრესტი-მონაკო

23:05 - ლიონი-ლილი

შაბათის მატჩის დღის ყველა გამორჩეული დაპირისპირება:

15:30 - ევერტონი-არსენალი

18:00 - ბრისტოლი-უოტფორდი

18:15 - რეალი-ვალენსია

19:00 - პსჟ-ანჟე

20:00 - პარმა-ინტერი

20:30 - გრანადა-ალმერია

22:45 - მილანი-ფიორენტინა

23:00 - ბარსელონა-ბეტისი