იტალიის თასის 1/2 ფინალი - რიგით მე-4 მილანური დერბი ამ სეზონში (23:00)
დიახ, კოპა იტალიას ფინალის საგზურს ერთმანეთში ინტერნაციონალე და მილანი გაათამაშებენ. აღნიშნული გუნდები მიმდინარე სეზონში ერთმანეთს შეხვედრილან 3-ჯერ: 2 მოგება არის "როსონერის" ანგარიშზე, როგორც იტალიის ჩემპიონატში, ისე სუპერთასზეც. 1 მატჩი კი დასრულდა ფრედ, სერია ა-ს მე-2 წრეში.
აღსანიშნავია ისიც, რომ "შავ-წითლებს" თანაქალაქელები დაუმარცხებიათ როგორც პაულო ფონსეკას, ისე სერჟიო კონსეისაუს ხელმძღვანელობითაც. განმეორებითი მატჩი გაიმართება 24 აპრილს, ამ წყვილში მოგებული კი იტალიის თასის ფინალში ბოლონია - ემპოლის შორის გამარჯვებულს შეხვდება.
ესპანეთის თასის 1/2 ფინალი - ატლეტიკო VS ბარსელონა, 8-გოლიანი თრილერის შემდეგ (23:30)
როგორც გვახსოვს, ბარსელონასა და ატლეტიკოს შორის გამართულ პირველ შეხვედრაში დაფიქსირდა უხვგოლიანი ფრე, 4:4. ვნახოთ, რა იქნება განმეორებით მატჩში. შეგახსენებთ, რომ ამ წყვილში მოგებული ესპანეთის თასის ფინალში დაუპირისპირდება რეალ მადრიდს, რომელმაც წუხელ დრამატულ ბრძოლაში სოსიედადი დაამარცხა.
მიმდინარე სეზონში იყო მომენტი, როდესაც "როხიბლანკო" განიხილებოდა ტრებლის მოგების კანდიდატად, თუმცა შემდეგ, ამ გუნდმა პრაქტიკულად ყველაფერი დაკარგა. ჩემპიონთა ლიგის 1/8 ფინალში "ინდიელებმა" წააგეს "სამეფო კლუბთან" 11-მეტრიანების სერიაში, პრიმერა დივიზიონში კი ეს გუნდი ლიდერ კატალონიელებს 9 ქულით ჩამორჩებიან.
