მატჩის დღე - სეზონის პირველი დერბი დელა მადონინა

კვირის მატჩის დღის მთავარი მშვენება - სეზონის პირველი დერბი დელა მადონინა. განვიხილოთ, თუ რას უნდა ველოდოთ ინტერისა და მილანის დაპირისპირებისგან.

ინტერი V მილანი

სეზონის პირველი დერბი დელა მადონინას წინ, ინტერის სატურნირო მდგომარეობა თანაქალაქელზე ოდნავ უკეთესია. სერია ა-ში გამართული 11 ტურის შემდეგ, "ნერაძურის" აქვს 24 ქულა, მილანს კი 22. ნომინალური მასპინძლის მოგების შემთხვევაში, ის პირველ პოზიციაზე დაბრუნდება.

სეზონის დაწყების წინ, ორივე გუნდში ცვლილებები მოხდა. "როსონერიში" დაბრუნდა მასიმილიანო ალეგრი, რომელსაც აქვს არა მხოლოდ "გველებთან" მოგების გამოცდილება, არამედ სკუდეტოს მოპოვებისაც. იტალიელმა სპეციალისტმა თავისი გუნდის დღევანდელ მეტოქეს 34-დან 12 შეხვედრა მოუგო.

გამოსარჩევია ისიც, რომ "დიაბოლოს" ამჟამინდელი მწვრთნელი ინტერთან დამარცხდა 13-ჯერ, რაც მისი კარიერის ანტირეკორდია. ნაცნობ გარემოში დაბრუნების შემდეგ, 58 წლის სპეციალისტმა განახორციელა არაერთი ტრანსფერი, მათ შორის ყველაზე საინტერესო არის ლუკა მოდრიჩის დამატება, მოთამაშის, რომლისთვისაც ასაკი მხოლოდ ციფრებია.

ლეგენდარული ხორვატი გამთამაშებელი მილანის მთავარი მამოძრავებელი ძალის როლში "ნერაძურისთან" მატჩშიც იქნება. რაც შეეხებათ "გველებს", სადაც დასრულდა სიმონე ინძაგის ერა, კლუბში მივიდა კრისტიან კივუ, ამჯერად უკვე სპეციალისტის რანგში. როგორც გვახსოვს, რუმინელმა ყოფილმა უკანახაზელმა საფეხბურთო კარიერის უმნიშვნელოვანესი ნაწილი სწორედ მეაცაზე გაატარა.

ინტერის ყოფილმა მცველმა ყველაზე მეტი, 19 მატჩი სწორედ მილანის წინააღმდეგ ჩაატარა. შვიდჯერ მან იმარჯვა, რვაჯერ წააგო, ოთხჯერ კი ფრე ითამაშა. დღეს, 45 წლის ყოფილი უკანახაზელი "როსონერის" უკვე "ნერაძურის" დამრიგებლის რანგში დაუპირისპირდება.

კვირის მატჩის დღე