კვირის მატჩის დღეს მთავარი დაპირისპირება შედგება პრემიერ ლიგაში, სადაც ლივერპული მანჩესტერ სიტის ესტუმრება. განვიხილოთ, თუ რას უნდა ველოდოთ ამ შეხვედრისგან.
მანჩესტერ სიტი V ლივერპული
მე-11 ტურის წინ, სხვაობა მან სიტისა და ლივერპულს შორის არის ერთი ქულა - 19 ქულა აქვთ მასპინძლებს, 18 კი სტუმრებს. ორივე გუნდს აქვს პირველ პოზიციასთან მიახლოების შანსი, იმის გათვალისწინებით, რომ ლიდერმა ლონდონის არსენალმა სანდერლენდთან ქულები დაკარგა.
უკანასკნელი მატჩების გათვალისწინებით, მანჩესტერული გუნდი იმყოფება უკეთეს ფორმაში, რადგან ხუთიდან ოთხ თამაშში გამარჯვება მოიპოვა. ამის გარდა, "ქალაქელები" სრულფასოვნად იყენებენ თავიანთ მთავარ იარაღს, ერლინგ ჰოლანდს, რომელსაც 14 შეხვედრაში უკვე 18 ბურთი დაუგროვდა.
მერსისაიდელები იმყოფებიან უფრო არასახარბიელო მდგომარეობაში, იმის გათვალისწინებით, რომ პრემიერ ლიგაში უკანასკნელ ხუთ შეხვედრაში მოიგეს მხოლოდ ერთხელ, ბოლოს, ბირმინგემის ასტონ ვილასთან. იმის შემდეგ, "წითლებმა" დაამარცხეს მადრიდის რეალიც, რითაც კრიზისის დაძლევაზე გააკეთეს განაცხადი.
გამოსარჩევია ის ფაქტიც, რომ "სამეფო კლუბსა" და "ლომებთან" მატჩებში ენფილდის ბინადრების ახალწვეულმა მეკარემ, გიორგი მამარდაშვილმა კარის მშრალად შენახვა შეძლო. ვნახოთ, რას იზამს ახალგაზრდა გოლკიპერი პეპ გუარდიოლას გუნდის წინააღმდეგ.
ამ მატჩის შემდეგ, ქართველ მეკარეს ელის სანაკრებო პაუზა, არნე სლოტის განკარგულებაში დაბრუნებისას კი ალისონ ბეკერთან კონკურენცია. როგორც ნიდერლანდელმა თავკაცმა აღნიშნა, ბრაზილიელი გოლკიპერი სწორედ საერთაშორისო შესვენების შემდეგ დაბრუნდება.
კვირის მატჩის დღე
| 18:00 | ბოლონია - ნაპოლი | სერია ა |
| 19:15 | რაიო ვალეკანო - რეალი | ლა ლიგა |
| 20:00 | შტურმი - ზალცბურგი | ბუნდესლიგა ავსტრია |
| 20:15 | მეცი - ნიცა | ლიგა 1 |
| 20:30 | მანჩესტერ სიტი - ლივერპული | პრემიერ ლიგა |
| 21:00 | რომა - უდინეზე | სერია ა |
| 23:45 | ლიონი - პსჟ | ლიგა 1 |
| 23:45 | ინტერი - ლაციო | სერია ა |
| 23:55 | სელტა - ბარსელონა | ლა ლიგა |
| 23:55 | კადისი - ვალიადოლიდი | ლა ლიგა 2 |
