შეიძლება ითქვას, ეს მატჩი 6-ქულიან შეხვედრადაც იყო მიჩნეული და არ უნდა გამოგვრჩეს, რომ ასეთი მნიშვნელობის მატჩს ქართველი გმირი ჰყავს.
მეცის ქართველმა ფორვარდმა, გიორგი მიქაუტაძემ ერთადერთი გოლი 46-ე წუთზე გაიტანა და თავის გუნდს 0:1 მოაგებინა.
ეს კი იმას ნიშნავს, რომ სატურნირო ცხრილში მეცმა 29 ქულა დააგროვა, ლე ავრს გადაასწრო და გასავარდნ ზონას თავი დააღწია.
რაც შეეხება მიქაუტაძეს, ლიგა 1-ის მიმდინარე სეზონში საქართველოს ნაკრების ფორვარდის ანგარიშზე უკვე 10 გოლია.
