ვიტინია ფერეირამ გაიხსენა პერიოდი, როდესაც პარის სენ-ჟერმენში ლიონელ მესი და ნეიმარ ჟუნიორი თამაშობდნენ. მისი თქმით, იმ დროს გუნდურობა იყო დაკარგული, პსჟ-ს იმდროინდელ თავკაცს, კრისტოფ გალტიეს კი არგენტინელ და ბრაზილიელ ვარსკვლავებთან საერთო ენის გამონახვა უჭირდა.
"ბევრი რამ ხდებოდა ისეთი, რაზეც საუბარი არ მსურს. რთული იყო, რადგან პარის სენ-ჟერმენი არ ჰგავდა გუნდს - ყველა თავისთვის თამაშობდა. მთავარი პრობლემა მდგომარეობდა იმაში, რომ გალტიეს მესისა და ნეიმართან საერთო ენის გამონახვა უჭირდა. არასწორად არ გამიგოთ, არგენტინელ და ბრაზილიელ შემტევებს უდიდეს პატივს ვცემ.
ლიონელი ფეხბურთის ისტორიაში ერთ-ერთი საუკეთესოა, საკლუბო მსოფლიო ჩემპიონატზე შევხვდით და მატჩის დასრულების შემდეგ, გავისაუბრეთ კიდეც. ენრიკე? მას კარგად ვიცნობთ და მისი იდეების გვჯერა."
