ვეტერანმა უელსელმა ფეხბურთელმა გარეთ ბეილმა, რომელიც წლების განმავლობაში მადრიდის რეალში თამაშობდა და ყველა შესაძლო ტიტული მოიგო, სამეფო კლუბის ამჟამინდელ ლიდერზე, კილიან მბაპეზე ისაუბრა.
"სიმართლე გითხრათ, რეალი უფრო თავისუფლად თამაშობს, როცა მოედანზე მბაპე არ არის. ბურთი უფრო სწრაფად მოძრაობს, შეტევა მეტად ბუნებრივად გამოიყურება და ნაკლები ყოყმანია.
როდესაც კილიანი მოედანზეა, ყველაფერი ნელა ხდება, რადგან მთლიანი გუნდი მასზე თამაშობს და ეს ძალიან დიდი პრობლემაა.
ეს არის სიმართლე, რომლის გაგებაც არავის სურს - მბაპე და ვინისიუსი ერთმანეთს ხელს უშლიან. სივრცეებს სათანადოდ ვერ ითვისებენ და მბაპეს თავდამსხმელად უწევს თამაში, რაც მისთვის უჩვეულოა", - განაცხადა ბეილმა.
შეგახსენებთ, რომ კილიან მბაპე მიმდინარე სეზონში როგორც ლა ლიგის (23), ასევე ჩემპიონთა ლიგის (14) ბომბარდირია.
