ინგლისის ასოციაციის თასის 1/8 ფინალში, ერთმანეთს ჩელსი და ლიდს იუნაიტედი დაუპირისპირდნენ. სტემფორდ ბრიჯზე გამართული მატჩი საკმაოდ სანახაობრივი გამოვიდა.
ანგარიში სტუმარმა გუნდმა გახსნა, მატეო ჯოსეფმა ჩელსის მცველების შეცდომით ისარგებლა და მე-6 წუთზე საკუთარი გუნდი წინ გაიყვანა, თუმცა ჩელსიმ საპასუხო გოლის გატანა მალევე მოახერხა. მადუეკე-კაისედოს გათამაშებული კომბინაცია ნიკოლას ჯექსონმა გოლად აქცია, 1:1. ტაიმის მიწურულს კი მიხაილო მუდრიკის ჯერი დადგა, უკრაინელმა მონატრებული გოლის გატანა მოახერხა.
მეორე ტაიმის სტარტზე ჯოსეფმა, სტუმართა მხრიდან, დუბლი გაიფორმა, სტემფორდ ბრიჯზე ანგარიში კვლავ გათანაბრდა. თითქოს ყველაფერი დამატებითი ტაიმებისკენ მიდიოდა, თუმცა პოჩეტინოს გუნდს კონორ გალაჰერმა კიდევ ერთხელ უშველა, ინგლისელმა საკუთარი გუნდი 91-ე წუთზე წინ გაიყვანა, 3:2 და "ლურჯები" შემდეგ ეტაპზე გავიდნენ.
ჩელსი 1/4 ფინალში კიდევ ერთ ჩემპიონშიპის ბინადარს, ლესტერს, დაუპირისპირდება.
FA Cup
მძიმე ბრძოლაში მოპოვებული 1/4 ფინალის საგზური
