პრემიერ ლიგის მე-13 ტურის ერთ-ერთი გახსნითი მატჩი ეტიჰად სთედიუმზე გაიმართა, სადაც მაყურებელმა მანჩესტერ სიტისა და ლიდს იუნაიტედის დაპირისპირება იხილა. იმის მიუხედავად, რომ პეპ გვარდიოლას გუნდი ამ შეხვედრას ფავორიტის სტატუსით შეხვდა, დანიელ ფარკეს ბიჭებმა საკმაოდ ძლიერ მეტოქეს არაფერი დაუთმეს და დიდი წინააღმდეგობაც გაუწიეს.
მანჩესტერ სიტიმ შეხვედრა კარგად დაიწყო და 25-ე წუთზე უკვე 2-0 იგებდა, თუმცა სტუმრებმა მეორე ტაიმის სტარტზე მოახერხეს და "ქალაქელებს" ორი ბურთი გაუტანეს. თითქოს მატჩი ფრისკენ მიდიოდა, მაგრამ მანჩესტერ სიტის ფილ ფოდენმა კიდევ ერთხელ ულიდერა და გამარჯვების მომტანი გოლიც გაიტანა.
პეპ გვარდიოლას გუნდმა ამ გამარჯვების შემდეგ 25 ქულა მოაგროვა, რითაც დროებით მე-2 პოზიციაზე გადასვლა მოახერხა. რაც შეეხება ლიდს იუნაიტედს, იორკშირელები 11 ქულით, მე-18 პოზიციაზე დარჩნენ.
მანჩესტერ სიტი 3-2 ლიდს იუნაიტედი
გოლები: 1-0 ფილ ფოდენი 1', 2-0 იოშკო გვარდიოლი 25', 2-1 დომინიკ კალვერტ-ლუინი 49', 2-2 ლუკას ნმეჩა 68', 3-2 ფილ ფოდენი 90+1'.
მატჩის მიმოხილვა
სხვა მატჩები:
ბრენტფორდი 3-1 ბარნლი
სანდერლენდი 3-2 ბორნმუთი
