პრემიერ ლიგის მე-18 ტურის კიდევ ერთი მატჩი ნოტინგემში გაიმართა, სადაც ადგილობრივი ფორესტი მანჩესტერ სიტის დაუპირისპირდა. პეპ გვარდიოლას გუნდი ამ შეხვედრას საოცრად კარგ ფორმაში შეხვდა, თუმცა ამის მიუხედავად, შონ დაიჩის გუნდმა მეტოქეს არაფერი დაუთმო და მატჩის ბოლომდეც ანერვიულა.
მანჩესტერ სიტიდან გოლების გატანა ტიჯანი რეინდერსმა და რაიან შერკიმ მოახერხეს. ამ უკანასკნელმა თავი საგოლე გადაცემითაც გამოიჩინა.
პეპ გვარდიოლას გუნდმა ამ გამარჯვების შემდეგ 40 ქულა მოაგროვა, რითაც დროებით პირველ ადგილზე გადასვლა მოახერხა. რაც შეეხება ნოტინგემ ფორესტს, შონ დაიჩის გუნდი 18 ქულით, მე-17 პოზიციაზე დარჩა.
ნოტინგემ ფორესტი 1-2 მანჩესტერ სიტი
გოლები: 0-1 ტიჯანი რეინდერსი 48', 1-1 ომარი ჰაჩინსონი 54', 1-2 რაიან შერკი 83'.
მატჩის მიმოხილვა
