ინტერის ბანაკიდან ახალი, საკმაოდ არასასიამოვნო ინფორმაცია ვრცელდება — ბოლო საათებში ჩატარებულმა გამოკვლევებმა აჩვენა, რომ დენზელ დუმფრისის დაზიანება საკმაოდ მძიმეა, რის გამოც 29 წლის ფლანგელი 3-დან 4 კვირამდე იუქმებს.
ინტერისთვის შეუცვლელმა ფეხბურთელმა ტრავმა ნოემბრის სანაკრები პაუზის დროს მიიღო, როდესაც მარცხენა ფეხზე კოჭი დაიზიანა. კრისტიან კივუ იმედოვნებდა, რომ ნიდერლანდელის ტრავმა მძიმე არ აღმოჩნდებოდა, თუმცა მისი მოლოდინი არ გამართლა და გამოცდილი მცველი დიდი ხნით დაკარგა.
შეგახსენებეთ, ინტერს დღეს მილანური დერბი ელოდება. "ნერაძური" და "როსონერი" ერთმანეთს თბილისის დროით 23:45 საათზე დაუპირისპირდებიან.
