ნაპოლის ბანაკიდან ახალი, საკმაოდ არასასიამოვნო ინფორმაცია ვრცელდება — ბოლო საათებში ჩატარებულმა გამოკვლევებმა აჩვენა, რომ სტანისლავ ლობოტკას დაზიანება მძიმეა, რის გამოც 31 წლის ცენტრალური ნახევარმცველი მინიმუმ ორ კვირას გამოტოვებს, რის შემდეგაც ფეხბურთელს ახალი გამოკვლევები ჩაუტარდება.
სლოვაკმა ფეხბურთელმა დაზიანება იტალიის თასზე, კალიარისთან მატჩში მიიღო, როდესაც მოედანზე შესასვლელად ემზადებოდა, თუმცა ფეხის უკანა კუნთი დაიზიანა და თამაში ვეღარ შეძლო.
შეგახსენებთ, ნაპოლის წინ ძალიან პრინციპული მატჩი ელოდება, სადაც ანტონიო კონტეს გუნდი იუვენტუსს დაუპირისპირდება. "პარტენოპეი" ამ მატჩს დიდი დანაკლისით ხვდება — კევინ დე ბრუინი, ანდრე-ფრანკ ზამბო ანგისა, ბილი გილმორი, რომელუ ლუკაკუ, მიგელ გუტიერესი, ალექს მერეტი და ახლა უკვე სტანისლავ ლობოტკაც, ეს ფეხბურთელები ანტონიო კონტეს განკარგულებაში არ იქნებიან.
