საქართველოს სარაგბო ჩემპიონატის გამარჯვებული “ბათუმი” გახდა. დიდი 10-ის ფინალური მატჩი ქუთაისში “აია არენაზე“გაიმართა. ბათუმელებმა “აიას” 14:10 მოუგეს და საქართველოს ჩემპიონობა იზეიმეს.
ქუთაისელებმა თამაში აქტიურად დაიწყეს, მე-15 წუთზე ბათუმელები მოედანზე კაცნაკლულნი დარჩნენ, მსაჯმა ვაჟა თაგაურს წითელი ბარათი მისცა.
პირველი ნახევარი "აიამ“ 10:9 მოიგო. გიორგი ფრუიძის ლელო გიორგი ბარნაბაშვილმა გარდასახა, ერთი არეკნი გიორგი ბაბუნაშვილის ანგარიშზეა. ბათუმელთაგან კი ბუბა ნოზაძემ სამი ჯარიმა გაიტანა.
მეორე ტაიმში სტუმრებმა გამარჯვების მოპოვება შეძლეს. სატიტულო ლელო ზღვისპირელთა შუამარბმა სერგი ჩხაიძემ 64-ე წუთზე, კონტრშეტევაზე გაიტანა. ჩხაიძე მატჩის საუკეთესო მოთამაშედ დასახელდა.
ბათუმელებმა საქართველო ჩემპიონის ტიტული მეხუთედ მეხუთედ მოიპოვეს, პირველი ორი ჩემპიონობა 1999 და 2002 წლებში, “დათვების” სახელით იზეიმე, ბოლო 7 წელიწადში 3-ჯერ, 2019, 2022 და 2025 წელს შეძლეს გამარჯვება.
“ბათუმისთვის” ეს მე-12 მედალია (5 ოქრო, 6 ვერცხლი, 1 ბრინჯაო), რითაც “ლელოს” გაუტოლდნენ. “აია” ვერცხლის მედლებს მე-13 დაეუფლა. ქუთაისელებმა ჩემპიონატი მეორე ადგილზე მეხუთედ დაასრულეს (+5 ოქრო და 3 ბრინჯაო).
