ჩემპიონთა ლიგის მე-4 ტურში, ლივერპულთან ენფილდზე განცდილი მარცხის შემდეგ, რეალის მთავარმა მწვრთმელმა, ჩაბი ალონსომ კომენტარი გააკეთა და წაგების მიზეზებზე ისაუბრა.
"ვფიქრობ კარგად ვითამაშეთ და კარგი ტემპიც გვქონდა, მაგრამ გადამწყვეტ მომენტებში სიმწვავე დაგვაკლდა. დღევანდელი მატჩი დაღმასვლის დასაწყისი არ არის და ეს მარცხი უნდა გავაანალიზოთ."
"უნდა ვისწავლოთ არასაჭირო ჯარიმების და კუთხურების თავიდან არიდება, რაც დღეს პრობლემა იყო. თანაბარი პირველი ტაიმის შემდეგ, მეტოქე შესვენებიდან უკეთესი გამოვიდა და ბევრი მომენტი შექმნა. ტიბო კურტუა უბრალოდ საოცარი იყო" — ჩაბი ალონსო.
4 მატჩის შემდეგ, რეალს და ლივერპულს თანაბარი, 9-9 ქულა აქვთ. მომდევნო ტურში სამეფო კლუბი ოლიმპიაკოსს ესტუმრება, ინგლისელები კი საკუთარ კედლებში პსვ-ს მიიღებენ.
