სტეფანო პიოლის გაშვება გადაწყვეტილი ამბავია, მისი შემცვლელის ძებნა კი გუნდმა რამდენიმე კვირის წინ დაიწყო. პრესაში არაერთი ვარიანტი განიხილებოდა, მათ შორის ანტონიო კონტე, ტიაგო მოტა, პაულო ფონსეკა და ა.შ. თუმცა როგორც ჩანს, მილანში ლოპეტეგის ვარიანტი ყველაზე მეტად მოსწონთ.
აუცილებლად უნდა ითქვას ისიც, რომ მილანსა და ლოპეტეგის შორის, პირველი კონტაქტი თებერვალში შედგა. ლომბარდიული გუნდის უფროსობას ესპანელის ვარიანტი ყოველთვის მოსწონდა.
ლოპეტეგისთან ბოლო დღეებია მოლაპარაკებებს ვესტ ჰემიც აწარმოებს, თუმცა ესპანელისთვის პრიორიტეტი, რა თქმა უნდა, მილანი არის.
