"მილანი - რომა? ფავორიტის დასახელება მიჭირს", - კაპელო

- ფავორიტის დასახელება მიჭირს, თან ამას ისიც ემატება, რომ მალე სანაკრებო პაუზა იქნება და იქიდან ვინ როგორ დაბრუნდება, არავინ იცის. მილანს ის პლიუსი აქვს, რომ პირველ შეხვედრას სახლში ითამაშებს. სან სიროს გუნდის და პიოლის დახმარება შეუძლია. ჩვენ ვხედავთ რომა როგორ მოძლიერდა და შეიცვალა, ამიტომ პიოლის სიფრთხილით თამაში მართებს. დე როსის გუნდს შესაძლებლობა აქვს მილანს დიდი პრობლემები შეუქმნას. ვფიქრობ, რომელი გუნდიც დაცვაში ყველაზე კარგად გაირჯება, წარმატებასაც ის მიაღწევს. დე როსიმ დაცვის პრობლემები გამოასწორა, იგივე უნდა გააკეთოს პიოლიმაც.

- დანიელე გუნდს ჭკვიანური ტაქტიკით ათამაშებს, მან რომას ხალისი დაუბრუნა. დე როსი მეტოქეების მოძრაობას ყურადღებით აკვირდება, ეს თავისთავად ინტელექტის ნიშანია. როგორც ყოფილმა ნახევარმცველმა და ორკესტრის ლიდერმა, მას იცის, რომ, პირველ რიგში, მეტოქის ძლიერი მხარეები უნდა შეისწავლო.

- გუნდმა გამარჯვებები დაიწყო და თამაშის ხარისხი ცოტა გამოასწორა, მაგრამ ჩვენ ვერ განვსაზღვრავთ მათ სათამაშო ფორმას პრაღის სლავიას წინააღმდეგ გამართულ ორი მატჩის ფონზე, სადაც მილანი დიდი ხნის განმავლობაში რიცხობრივ უპირატესობაში იყო (ორივე თამაშში), მაგრამ აღსანიშნავია ლეაოს პროგრესი. რაფა ფორმაში შევიდა, რაც გუნდზეც დადებითად აისახება.

- ბევრი საინტერესო დაპირისპირება გველოდება. რომას ჰყავს დიბალა-ლუკაკუს დუეტი. მათ თუ თამაში წაუვიდათ, მთლიანი გუნდიც შეუტევს, ელ შაარავი, პელეგრინი, რომას სხვა ძალიან საინტერესო სახელებიც ჰყავს. მეორე მხრივ, მილანს ლეაო ჰყავს, რომელსაც მატჩის ბედის გადაწყვეტა მარტოს შეუძლია. მისი მარცხენა ფლანგი, ტეოსთან ერთად, ერთ-ერთი საუკეთესოა, თუ საუკეთესო არა. ასევე უნდა ვისაუბროთ პულისიკზე, რომელმაც საკუთარი ძალების ირწმუნა და საუკეთესო ფეხბურთს თამაშობს. მაგრამ კიდევ ერთხელ გავიმეორებ, ყველაზე მნიშვნელოვანი იქნება სანაკრებო პაუზის შემდეგ ვინ როგორ ფორმაში დაბრუნდება. ამის კარგი მაგალით ნაპოლია, ოსიმენის გარეშე ჩვენ წინაშე ორი განსხვავებული გუნდი იყო.

- რა თქმა უნდა. ინტერს სკუდეტოს მოგება უნდა და თან გაბრაზებულები არიან, იგივე ითქმის ლაციოზეც, ისინი ჩემპიონთა ლიგის საგზურისთვის იბრძვიან, თან ასევე გაბრაზებულები იქნებიან, რადგან ჩემპიონთა ლიგიდან ისინიც გამოვარდნენ. თან ეს დერბია, იტალიაში კი ამ მატჩისთვის განსაკუთღებულად ემზადებიან.