პროექტის დაწყება უახლოეს დღეებში იგეგმება, მილანის მიზანია მომდევნო 18-24 თვეში დაიწყოს ობიექტზე მშენებლობა. აშენდება 70-ათასიანი ტევადობის არენა და სხვა უამრავი შენობა-ნაგებობა.
გეგმაში რამდენიმე საინტერესო პროექტის განხორციელებაა, კერძოდ ამ ტერიტორიაზე სტადიონის გარდა აშენდება მილანის ახალი სახლი, ე.წ. Casa Milan, მილანის მუზეუმი, სავაჭრო ცენტრი, სასტუმრო, გასართობი ცენტრი, ველოსიპედის ორი საფეხმავლო ხიდი, რომელიც ქალაქის ცენტრს დააკავშირებს სან დონატოს, რამდენიმე პარკინგი და ა.შ.
პროექტის ღირებულება, სავარაუდოდ, გადააჭარბებს მილიარდ ევროს, თუმცა უფრო ზუსტი დეტალები ხელმისაწვდომი, სამუშაოების დაწყებისთანავე გახდება. კლუბის მიზანია ახალი არენა 2028 წელს უკვე მზად იყოს, რათა ახალ 2028/29 სეზონს, მილანი ახალ სტადიონზე შეხვდეს.
მილანი სან სიროს სტადიონზე 1926 წლიდან მოყოლებული თამაშობს, 1947 წელს კი, თანაქალაქელი ინტერის სახლიც სან სირო გახდა. იმ დროიდან მოყოლებული, ორი მილანური კლუბი საერთო სტადიონს იყოფდა.
